Foto: Pavlodar oblysy ákiminiń baspasóz qyzmeti
Qatty daýyldan Pavlodar oblysynyń ınfraqurylymyna aıtarlyqtaı zııan kelgen. Kóptegen eldi mekenderde, sonyń ishinde Aqsý qalasynda, Baıanaýyl aýdanynda elektr qýaty óship qalǵan.
-19 maýsym kúni Pavlodar oblysynda jyldamdyǵy sekýndyna 43 metrge deıin jetetin daýyldy jel tirkeldi. Tótenshe jaǵdaılar qyzmetiniń málimeti boıynsha, 16 adam zardap shekken, onyń ishinde úsh bala bar. Aqsý qalasynda 1968 jyly týǵan turǵyn qaıtys boldy.
«Oblys ortalyǵynda 47 nysannyń, onyń ishinde 6 áleýmettik mekemeniń shatyryna zaqym keldi. Aqsý men Ekibastuzda 23 nysan, Baıanaýyl aýdanynda 7 nysan zardap shekti, sondaı-aq Maı jáne Pavlodar aýdandarynda ǵımarattardyń zaqymdanýy tirkeldi. О́ńir qalalary men aýdandarynyń elektrmen jabdyqtaý jelilerinde aqaýlar baıqalady. Qazirgi ýaqytta Aqsý qalasynda jáne Baıanaýyl aýdanynda elektr qýatynyń óshýi tirkelip otyr», dep habarlady Pavlodar oblysy ákiminiń baspasóz qyzmetinen.
Qazirgi sátte apattyń saldaryn joıý boıynsha jumystar jalǵasyp jatyr. Baılanys jáne elektrmen jabdyqtaý jelileriniń 16 baǵanasy qalpyna keltirilýde. Barlyq jumystarǵa 300-den astam adam jáne 103 arnaıy tehnıka jumyldyrylǵan.
Barlyq shuǵyl áreket etý qyzmetteri kúsheıtilgen rejımde jumys istep jatyr.
Pavlodar oblysy
