Osy kezeńde paıdalanýǵa berilgen turǵyn úılerdiń jalpy aýdany 6 mln 21,3 myń sharshy metrge jetken. Bul – 2024 jyldyń sáıkes kezeńimen salystyrǵanda 5,7 paıyzǵa artyq kórsetkish. Onyń ishinde 3 mln 854,7 myń sharshy metr – kópqabatty turǵyn úıler, 2 mln 126,7 myń sharshy metr – jeke úılerdiń úlesinde.
Aımaqtar arasyndaǵy kóshbasshylar qatarynda Astana qalasy bar – elordada 1 mln 505,4 myń sharshy metr turǵyn úı salynyp, paıdalanýǵa berilgen. Almatyda bul kórsetkish – 1 mln 138,8 myń sharshy metr, al Almaty oblysynda – 463 myń sharshy metrdi qurap otyr.
Bıyl qurylys salasynda joǵary ósim kórsetken óńirler de belgili boldy. Túrkistan oblysynda turǵyn úı qurylysy byltyrǵy kezeńmen salystyrǵanda 25,5 paıyzǵa artsa, Shymkent qalasynda – 23,4 paıyzǵa, Almaty oblysynda – 20,4 paıyzǵa ulǵaıǵan.
Jalpy el kóleminde salynyp, el ıgiligine berilgen turǵyn úılerdiń 94,1 paıyzy nemese 5 mln 663,3 myń sharshy metri – jekemenshik qurylys kompanııalarynyń úlesinde. Onyń ishinde halyq óz kúshimen 2 mln 175,3 myń sharshy metr turǵyn úı turǵyzyp, baspana máselesin óz betinshe sheship jatqanyn ańǵartady.
Saladaǵy oń úrdis tek turǵyn úımen shektelmeıdi. Qurylys jumystarynyń jalpy kólemi 2025 jyldyń alǵashqy bes aıynda 2 trln 1 mlrd teńgege jetip, byltyrǵy kezeńmen salystyrǵanda 15,4 paıyzǵa ósken. Bul ósim eldiń 18 óńirinde tirkelip otyr.
Atalǵan málimetter turǵyn úı men qurylys salasynyń el ekonomıkasyndaǵy áleýetiniń artyp kele jatqanyn aıǵaqtaıdy. Halyqtyń baspanamen qamtylýy men qurylys ındýstrııasynyń serpindi damýy – memlekettiń áleýmettik turaqtylyǵy men ekonomıkalyq ilgerileýiniń mańyzdy kórsetkishi.
