Merekelik shara Naýryzbaı aýdanynyń turǵyndary men qonaqtary úshin ashyq formatta uıymdastyrylyp, úlkender men balalarǵa kóterińki kóńil-kúı syılady. Festıvaldiń negizgi maqsaty — balalar men jastardyń shyǵarmashylyq qabiletterin damytý, belsendi ómir saltyn nasıhattaý jáne demalys ortalyqtarynyń jumysyn keńinen tanystyrý boldy.
Festıval aıasynda demalys ortalyqtaryna qatysýshy balalar án aıtyp, bı bılep, kórkem sóz oqyp, túrli óner túrleri arqyly kórermenniń ystyq yqylasyna bólendi. Sahnada óz darynyn kórsetken jas ónerpazdar men olardyń ustazdary kórermenderdiń zor qoshemetine ıe boldy.
Shara barysynda demalys ortalyqtarynyń oqytýshylary aýdan ákiminiń arnaıy alǵys hattarymen marapattaldy. Bul — olardyń eńbegine berilgen ádil baǵa men rýhanı qoldaýdyń belgisi.
«Naýryzbaı Fest» — tek mereke ǵana emes, aýdannyń mádenı ómiriniń jandanýyna serpin beretin mańyzdy oqıǵa. Is-shara Naýryzbaı aýdanyndaǵy demalys ortalyqtarynyń balalar men jasóspirimderge baǵyttalǵan tárbıe jáne mádenı jumystaryn qoldaý maqsatynda uıymdastyryldy.
Uıymdastyrýshylar aldaǵy ýaqytta bul festıvaldi jyl saıyn dástúrli túrde ótkizip, aýqymyn keńeıtýdi josparlap otyr.
