Bul Prezıdenttiń «Zań jáne tártip» qaǵıdatyn qoldaýdyń kórinisi. Aýyldyqtar basqa eldimekenderdi de ózderine qosylýǵa shaqyryp, chellendj bastady. Olardyń urany: «Taza sana-jarqyn bolashaq!» dep ataldy.
Bul bastama Esil aýdanynda burynnan júrip jatqan. Máselen, kórshiles Qaraǵaı aýyly da alkogoldi ishimdikterden úsh jyl buryn bas tartqan. Aýdannyń prokýrory Kenjebek Qojahmetov alkogolden bas tartqannan beri bul aýylda birde-bir qylmys tirkelmegenin aıtty.
Eńbek aýylynda osyndaǵy «Baı Eńbek» JShS bastaýysh mektep salýdy da qolǵa alypty. Sol úshin kásiporynnyń basshysy Qaıyrbek Qojasov 350 mln teńge bólgenin aıtty. Osy aýylǵa jumys saparymen kelgen oblys ákimi Ǵaýez Nurmuhametov laıyqty bastamalardy qoldap, turǵyndarmen kezdeskende olardyń sátti iske asyrylýyn tileıtinin aıtty.
Soltústik Qazaqstan oblysy
