Qylmysty anyqtaýǵa, iz kesýge, esirtki men jarylǵysh zattardy izdestirýge jáne odorologııalyq sáıkestendirýge qatysatyn olar kúshik kezinen arnaıy oqý-jattyǵý kýrstarynan ótip, belgili bir baǵyttaǵy quqyq buzýshylardy anyqtaýǵa mamandandyrylǵan.
Iisshil ıtter kómegimen jyl basynan beri 112 qylmys áshkerelenipti. Kınologııalyq qyzmet ortalyǵynyń qyzmetkerleri byltyr ózderine bekitilgen qyzmettik izdestirý ıtterimen IIM-niń Almaty qalasyndaǵy Kınologııalyq oqý ortalyǵynda esirtki zatyn izdeý jáne adam ıisi boıynsha izge túsý biliktilikti arttyrý kýrstaryn aıaqtady.
«Qyzmettik ıtter tek adal serik qana emes, sonymen qatar qylmystardy ashý baǵytynda, joǵalǵan adamdardy izdeý jáne tyıym salynǵan zattardy anyqtaý sııaqty mańyzdy mindetterdi atqaratyn naǵyz kómekshiler. Olardyń ıisterdi ajyrata bilýi, jasyrylǵan esirtkini nemese jarylǵysh zattar men qarýdy anyqtaý jáne izderdi tabý qabileti kóbine qylmystardy ashýda mańyzdy ról atqarady. Polıseılerliń senimdi kómekshileri 1030 jedel sharaǵa qatysyp, quqyq qorǵaý organdarynyń jumysynda ózderin taptyrmas dos ekendigin dáleldedi»,- deıdi Polısııa departamenti bastyǵynyń birinshi orynbasary. polısııa polkovnıgi Serik Toqtybaev.
