Aýdan ekonomıkasynyń negizgi tiregi – aýyl sharýashylyǵy. Esepti kezeńde aýyl sharýashylyǵynyń jalpy ónim kólemi 53 mlrd teńgeni qurap, ótken jyldyń sáıkes kezeńimen salystyrǵanda 125,9 paıyzǵa ósti. О́nerkásip salasynda da ósim baıqalyp, óndirilgen ónim kólemi 3,4 mlrd teńgeni qurady (IFO – 104,8%).
«Turǵyn úı qurylysy da qarqyn alýda. 2024 jyly 27 páterli turǵyn úı paıdalanýǵa berilip, 27 otbasy baspanaly boldy. Jalpy aýdany 3,7 myń sharshy metr turǵyn úıler paıdalanýǵa berildi. Bıyl oblys ákimdiginiń qoldaýymen 18 páterli taǵy bir turǵyn úıdiń qurylysy josparlanǵan», – dedi spıker.
2024 jyly aýdan ekonomıkasyna 11,1 mlrd teńge ınvestısııa baǵyttaldy. Alaıda 2023 jylǵy aýyl sharýashylyǵy maýsymynyń qolaısyzdyǵy saldarynan aýyl sharýashylyq tehnıkalaryn jańartý qarqyny sál tómendegen. Máselen, bıyl tehnıkalar 3 mlrd teńgege ǵana alynǵan (2023 jyly – 6 mlrd teńge).
Aýdandyq bıýdjetke túsetin kiris 100,9 paıyzǵa oryndalyp, 3815 mln teńgeni qurady. О́z kiristeri boıynsha jospar 102,5 paıyzǵa oryndaldy.
Aýyz sýmen qamtý máselesi 100 paıyz deńgeıde sheshimin tapty, ıaǵnı 25 eldi mekenniń 19-y ortalyqtandyrylǵan, 6-ýy modýldik blok arqyly qamtylǵan.
Kólik ınfraqurylymyn damytýǵa 552 mln teńge bólinip, 9 eldi mekende 13 shaqyrym jol jóndeldi. Nátıjesinde jaqsy jáne qanaǵattanarlyq joldardyń úlesi 80-nen 87 paıyzǵa artty.
2024 jyly oblystyq bıýdjet esebinen qýatty 7,5 gıgakalorııa bolatyn blokty-modýldik qazandyq ornatylyp, birneshe kópqabatty úı men mekemeler jylýǵa qosyldy. Sondaı-aq, 3 aýyldyq klýbqa jańa jylý júıesi ornatyldy.
«Aýdanda jyl basynan beri 693 jumys orny quryldy (onyń ishinde 477-si – turaqty). 8 Ulttyq joba júzege asyrylyp, 158 jumys orny ashyldy. Bilim salasynda da oń kórsetkishter bar. 2023-2024 oqý jylynda 9 oqýshy «Altyn belgi», 7-ýi úzdik attestat ıegeri atandy. Mektepke deıingi tárbıemen qamtý deńgeıi – 90 paıyz», – dep tolyqtyrdy ákim.
Densaýlyq saqtaý salasynda aýdanda 13 dáriger tartylyp, kadr tapshylyǵy joıyldy. 2024 jyly 344 operasııa sátti ótkizildi. «Qazaqstan halqyna» jáne «Qamqorlyq» qorlary arqyly 7 aýdanǵa qyzmet kórsetetin «Qamqorlyq» balalardy ońaltý ortalyǵy ashyldy.
Mádenıet pen sport salasynda da oń ózgerister bar. «Aýyl – El besigi» aıasynda Zaporoje aýyldyq klýby jóndeldi. Jaqsy aýylynda dene shynyqtyrý-saýyqtyrý kesheni men balalar oıyn-saýyq ortalyǵy salyndy. Jańaqıma aýylynda sport kesheniniń qurylysy júrip jatyr.
Brıfıngte Almagúl Qadyralına aýdan halqynyń ómir súrý sapasyn arttyrý baǵytynda júıeli jumystar jalǵasatynyn atap ótti.
