Is-sharany Shalqar aýdany ákimi J.Jıdehanov jáne aýdan prokýrory N.Qatýov ashyp, Memleket basshysynyń 2024 jylǵy 2 qyrkúıektegi «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty joldaýy negizinde jasaqtalǵan zań men tártip ıdeologııasyn ilgeriletý jónindegi 2025 – 2030 jyldarǵa arnalǵan tujyrymdamasyna saı uıymdastyrylǵanyna nazar aýdardy. Bul aýdan turǵyndarynyń salaýatty ómir saltyn ustaný men buqaralyq sportpen aınalysýǵa qulshynys týdyratyn mańyzdy qadam ekendigi atap ótildi.
Marafonǵa qatysýshylar jarys jolyn Áıteke bı men Jeltoqsan kósheleriniń qıylysynan bastap, Eset Kótibaruly kóshesiniń boıyn jaǵalaı ótip, ortalyq saıabaqta aıaqtady.
Saıys qorytyndysynda eń úzdik shyqqan 10 er jáne 10 áıel adamǵa aýdan ákiminiń atynan estelik medal, alǵys hat, syılyqtarmen qosa, 3-oryn alǵandarǵa 20 myń teńge, 2- orynǵa 30 myń teńge, eń birinshi jetken jelaıaqtarǵa 50 myń teńgeden tabystaldy. Qarjylaı qoldaý aldaǵy ýaqytta marafonǵa qatysýshylar sanyn kóbeıtýge baǵyttalǵan shara dep atap ótti uıymdastyrýshylar.
Aqtóbe oblysy.
