Foto: Aqorda
Memleket basshysy Qazaqstan temirjol salasyna arnalǵan mashına jasaý boıynsha Wabtec, Alstom jáne Stadler kompanııalarymen tabysty yntymaqtastyq ornatqanyn jetkizdi. Atap aıtqanda, Alstom kompanııasy elimizde servıstik ortalyqtar salyp, 2028 jyldan bastap lokomotıvterdiń jańa býynyn shyǵarýdy josparlap otyr. Wabtec kompanııasy balama otynmen júretin jyljymaly quramǵa 200 mıllıon dollar ınvestısııa quıdy. Al Stadler Rail kásiporny óndiristik qýaty jylyna 100 vagon shyǵaratyn zaýyt saldy.
Qasym-Jomart Toqaev Qazaqstannyń agroónerkásip kesheniniń joǵary áleýetine toqtaldy. Elimiz egistikke jáne jaıylymǵa jaramdy jer kólemi jaǵynan álemde altynshy oryndy ıelenedi, sondaı-aq astyq eksporty boıynsha jetekshi on memlekettiń qataryna kiredi. Memleket basshysy PepsiCo, Fufeng Group jáne Dalian Hesheng sııaqty sheteldik ınvestorlardyń tabysty qyzmetin mysalǵa keltirip, olardyń jergilikti ónimge turaqty suranys qalyptastyryp, ozyq tehnologııalardy engizip jatqanyn aıtty.
