Beınejazba arqyly ótken aldyn ala irikteýge 400-den astam úmitker qatysqan. Olardyń ishinen 12 úzdik oryndaýshy tańdalyp alyndy. Solardyń qatarynda Qazaqstannan qatysqan Áıgerim Altynbek te bar.
Opera ánshisi Áıgerim Altynbek – kóptegen halyqaralyq vokaldyq baıqaýlardyń laýreaty. Ol tanymal kompozıtor Djakomo Pýchchınıdiń 100 jyldyǵyna oraı uıymdastyrylǵan halyqaralyq opera ánshileri baıqaýynda jeńimpaz atandy.
Italııanyń Modena qalasynda ótken Nıkolaı Gıaýrov atyndaǵy opera ánshileriniń halyqaralyq baıqaýynda Áıgerim úshinshi oryn ıelendi. Qazaqstandyq ánshi ataqty ıtalııalyq opera ánshisi Mırella Frenıdiń arnaıy syılyǵyn aldy. Álemniń 470 qatysýshysy qatysqan Renata Tebaldı atyndaǵy halyqaralyq vokal baıqaýynda ónerpaz ekinshi orynǵa ıe boldy.
25 maýsymda álemge áıgili Hose Karrerastyń konserti ótedi. Osy keshte Áıgerim Altynbek te óner kórsetedi. Konsertte álemdik opera arııalar shyrqalyp, tanymal dýetter sahnaǵa shyǵady. Sondaı-aq 27–28 maýsymda Italııanyń Neapol qalasynda Andrea Bochellıdiń mereıtoılyq konsertine qatysyp, aty ańyzǵa aınalǵan tenormen bir sahnada án shyrqaıdy.
Daryndy ónerpazdyń bul jetistigi – onyń bilimge degen umtylysy men kásibı sheberliginiń jemisi.
