Naýqas 2012 jyldan beri júrek jetkiliksizdigi aýrýynyń eń aýyr túrimen aýyratyn edi. Donorlyq organ Taraz qalasynan 1.5 saǵat ishinde jyldam jetkizildi.
Dáriger mamandar donorlyq organdy alý, ony tasymaldaý, júrekti aýystyrý operasııasy barlyq medısınalyq ári etıkalyq talapqa saı júrgizilgenin aıtty. Kúrdeli otanyń sátti ótýine qalalyq densaýlyq saqtaý basqarmasy, joǵary sanatty dáriger-kardıohırýrg Darhan Súıgenbaev onyń Taraz qalasyndaǵy áriptesteri, UMC komandasy kóp kúsh saldy. Bul kásibıliktiń, sapaly qyzmet pen úılesimdi jumystyń nátıjesi deıdi mamandar.
Ortalyqtyń bas dárigeri D.Súıgenbaevtyń aıtýynsha júrek organyn almastyrý Qazaqstandaǵy transplantologııa salasynyń mańyzdy damý kezeńi bolyp sanalady. Sonymen qatar, organ almastyrý boıynsha óńirler arasyndaǵy medısınalyq yntymaqtastyqty arttyryp otyr.
Joǵaryda aıtyp ótkenimizdeı, máıitten alynǵan júrek transplantasııasy Shymkentte úshinshi ret jasalyp otyr. Buǵan deıin Júrek ortalyǵynyń bilikti dárigerler komandasy eki ret aǵza almastyrý otasyn sátti ótkizip, qos naýqasqa jańa ómir syılaǵan bolatyn.
Júrek ortalyǵynyń jetistigi bir bul emes. Munda 21 naýqasqa jasandy júrek qoıyldy. Ondaı ota tek Astana men Shymkentte ǵana jasalady. Sondaı-aq ortalyq álemniń eń zamanaýı qural-jabdyqtarymen jabdyqtalǵan. Álemde júrek aýrýyn emdeıtin qandaı jańa tásili shyqsa, ortalyq mamandardy sony oqyp, tájirıbeni ózderine engizedi. Medısınada kardıologııa salasy úsh baǵytty arıtmııa, ıntervensııa, kardıohırýrgııany qamtysa, ortalyqta sol úsh baǵyt boıynsha da naýqastardy jańasha emdeý qarastyrylǵan.
Shymkent
