Jambyl oblysynda iri jobalardy júzege asyrý maqsatynda jergilikti atqarýshy bılik ókilderi sheteldik jáne jergilikti ınvestorlarmen kelissóz júrgizýdi ilki sát te toqtatqan emes. Sońǵy eki jyldyń bederinde óńir basshysy Erbol Qarashókeev Qytaı, Túrkııa elderine saparlap baryp, jaýapty mamandarmen birge kelissóz júrgizip qaıtty. Qolǵa alǵan jobalardyń nátıjesi aldaǵy jyldary belgili bolmaq.
«Bıyl «Evrohım Qarataý» kompanııasy jobanyń birinshi kezeńin iske qosý arqyly jylyna 800 myń tonna kúkirt qyshqylyn óndiretin bolady. 2026 jyldyń úshinshi toqsanynan bastap kásiporyn jylyna 1 mln tonnaǵa jýyq mıneraldy tyńaıtqysh óndirýdi josparlap otyr. Jalpy alǵanda jańa zaýytta óndiriletin dıkalsıı fosfaty, kalıı sýlfaty, kalsıı hlorıdi óńir óndirisiniń brendine aınalatynyna senimdimin», deıdi oblys ákimdigi kásipkerlik jáne ındýstrııalyq-ınnovasııalyq damytý basqarmasynyń basshysy Aspandııar Seısebaev óńirde atqarylyp jatqan jumys týraly oıymen bólisip.
Basqarma basshysy keltirgen derekke súıensek, 2025–2028 jyldar aralyǵynda óńirde jalpy quny 3,7 trln teńgeni quraıtyn 62 ınvestısııalyq joba iske asyrylmaq. Joǵaryda atalǵan «Evrohım Qarataý» kompanııasy ınvestısııalyq jobalarynyń quny – 530 mlrd teńge. О́ńirde budan ózge de iri jobalardyń qurylys jumysy júrgizilip jatyr. Máselen, jylyna 1 mln tonna kalsıılendirilgen soda óndiretin «Qazaq Soda» kásiporny 2027 jyly jumysyn bastaıdy. Jobanyń quny 208 mlrd teńgeni qurap otyr.
«О́ńirde joǵaryda aıtqan ınvestısııalyq jobalardan ózge de iri zaýyttar bar. Aıtalyq, «Talas Investment Company» kompanııasynyń natrıı sıanıdin óndirý jobasynyń ekinshi kezeńi iske qosylady. Nátıjesinde, zaýyttyń jyldyq qýaty eselenip, 30 myń tonna natrıı sıanıdin óndiretin bolady. Budan bólek, natrıı sıanıdin óndiretin taǵy bir joba qolǵa alynyp jatyr. Jalpy quny 67 mlrd teńgeni quraıtyn «Altynalmas Reagents» kompanııasynyń zaýyty iske qosylǵan kezde jylyna 25 myń tonna ónim óndiredi. Sonymen qatar jylyna 30 myń tonna sýtegi asqyn totyǵyn óndiretin irgeli jobany «Kazakhstan Hydrogen Peroxide» kompanııasy iske asyrýǵa bekinip otyr. Quny 30 mlrd teńgeni quraıtyn kásiporynnyń qurylysy bıylǵy jyldyń aıaǵynda aıaqtalady», deıdi A.Seısebaev.
О́ńirde iske asyrylyp jatqan ilkimdi jobalar jetkilikti. Máselen, metallýrgııa salasynda «Yonggang Central Asia Iron And Steel» seriktestigi qolǵa alǵan ınvestısııalyq jobanyń keleshegi zor ekenin sala mamandary jarysa aıtyp júr. Jobanyń jalpy quny 637 mlrd teńgeni quraıdy. Resmı derekke júginsek, jylyna 3 mln tonnaǵa deıin qubyr óndirýge arnalǵan katanka, armatýra, jolaqty bolat, profıldi bolat óndiretin kásiporyn tolyq qýatynda jumys istegen kezde 1000 azamat turaqty jumyspen qamtylady.
Agroónerkásip salasynda da atqarylyp jatqan jumys az emes. Qytaıdyń «Fufeng Group» kompanııasy elimiz kóleminde birqatar jobany júzege asyrýǵa bel býyp otyr. Toǵyz joldyń torabynda ornalasqan Shý jerine kelgen ınvestorlar júgerini tereń óńdeıtin zaýyt qurylysyn bastap ketti. Quny 173 mlrd teńgeni quraıtyn joba iske qosylǵan kezde jylyna 1 mln tonna júgeri ónimderi óndiriledi.
Sondaı-aq «Azııa Chem» kompanııasy fosforıt kenin qoldana otyryp, sýperfosfat tyńaıtqyshyn óndirýge kirisip jatyr. Jalpy quny 15 mlrd teńgeni quraıtyn ilkimdi joba 2027 jyly iske qosylady dep josparlanǵan. Munda jylyna 100 myń tonna ónim alýǵa múmkindik týady.
Jergilikti atqarýshy bılik ókilderi keltirgen resmı málimetke sensek, «Qarataý Kemıkals» kompanııasy qolǵa alǵan joba da óńirde óndiris órisin arttyrýǵa múmkindik beredi. Jylyna 25 myń tonna kóleminde pırosýlfıt natrııin óndirý jobasy sátimen júzege asyrylyp jatyr. Jambyl óńiri áýelden fosfor óndirýmen aty shyqqanyn eskersek, oblysta qolǵa alynyp jatqan bul jobanyń da ómirsheń bolatynyna kúmán joq.
Oblys ákimdigi kásipkerlik jáne ındýstrııalyq-ınnovasııalyq damytý basqarmasynyń basshysy A.Seısebaevtyń aıtýynsha, bıyl Jambyl óńirinde jalpy quny 175,2 mlrd teńgeni quraıtyn 30 ınvestısııalyq joba iske asyrylady.
Jylyna 100 myń tekshe metr beton óndiretin «KazGazBlock» seriktestiginiń gazdalǵan beton óndirisi, «KazGeoEnergy» kásipornyna tıesili ák óndirý zaýyty, «Alit Holding» seriktestiginiń ıeligindegi qurǵaq qurylys qospalaryn óndiretin seh salý, jylyna 90 myń tonna ken óndirýge qaýqarly «Shagala Mining» kásipornynyń mys kenderin úımeli shaımalaý zaýytyn salý, «Ametıst-2012 BR» JShS-niń quramynda altyny bar kendi óndirý sekildi iri jobalar óńir ekonomıkasyn órkendetýge serpin beredi.
Jalpy alǵanda, Jambyl oblysynda ilkimdi ınvestısııalyq jobalardy tartýǵa barynsha basymdyq berilip otyr. О́ńir basshysy Erbol Qarashókeev sheteldik áleýetti ınvestorlarmen udaıy kezdesip, salaǵa jaýapty mamandardyń olarmen birlese jumys atqarýyna dáneker bolyp keledi. Tıisinshe, áleýeti zor ınvestorlardyń Jambyl jerine degen qyzyǵýshylyǵy arta tústi.
Jambyl oblysy
