ATYRAÝ. 16 aqpan. Atyraýda Dostyq úıinde tatar aqyny, Keńes Odaǵynyń batyry Musa Jáleldiń shyǵarmashylyǵyna arnalǵan eske alý keshinde onyń óleńderi úsh tilde oqyldy. Bul týraly egemen.kz tilshisi habarlady.
Belgili tatar aqyny ekinshi dúnıejúzilik soǵysta jaý qolyna túskenine qaramastan, Otany týraly jyr jazýdan jalyqpaǵan. Oǵan 1956 jyly qaıtys bolǵannan keıin Keńes Odaǵynyń Batyry ataǵy berilgen. Kezinde tatar aqyny Musa Jálel Lenındik syılyqpen de marapattalypty.
Atyraýdaǵy «Tatýlyk» tatar-bashqurt etnomádenı birlestigi Musa Jáleldiń surapyl soǵystaǵy batyrlyǵy men tutqynda júrse de Otanyna súıispenshiligin jyryna arqaý etken aqyndyǵyn jas urpaqtyń jadyna sińirýdi kózdepti. «Bul shara Uly Jeńistiń 70 jyldyǵy men Qazaqstan halqy Assambleıasynyń 20 jyldyq mereıtoıy aıasynda ótkizilip otyr. О́ıtkeni, búgingi urpaq qıyn-qystaý kezdegi aǵa urpaqtyń janqııarlyq erligin umytpaýy qajet. Sonymen birge, táýelsiz elimizdegi ultaralyq tatýlyqtyń qadirin jete sezinýi kerek», deıdi «Tatýlyk» tatar-bashqurt etnomádenı birlestiginiń jetekshisi Gúlsına Baıkenova.
Dostyq úıindegi sharada mektep oqýshylary soǵys jáne tyl ardagerleri men ózge etnomádenı birlestikter ókilderine Musa Jáleldiń pozııalyq shyǵarmalaryn qazaq, tatar jáne orys tilerinde oqyp berdi. Ardagerler men zeınetkerlerge estelik syılyqtar tabystaldy.
Joldasbek Shópeǵul.
Derek: egemen.kz.
Sýret: Rahym Qoılybaev.
