Foto: Oqý-aǵartý mınıstrligi
Bul bastama aýyl men qala arasyndaǵy bilim sapasyndaǵy alshaqtyqty azaıtýǵa jáne balalardyń sapaly bilim alýyna qolaıly jaǵdaı jasaýǵa baǵyttalǵan. Jańǵyrtý jumystary jeti negizgi baǵyt boıynsha júzege asyrylady.
Jańǵyrtý aıasynda kúrdeli jáne aǵymdaǵy jóndeý jumystary, pándik kabınettermen jabdyqtaý, mektep jıhazdaryn jańartý, kitaphanalar men ashanalardy, qaýipsizdik jaǵdaılaryn jaqsartý qarastyrylǵan.
Osylaısha, 2025–2026 oqý jylynda robototehnıka, hımııa, bıologııa, fızıka jáne STEM baǵyttary boıynsha 1000-ǵa jýyq zamanaýı pándik kabınet satyp alý josparlanýda. 509 mekteptiń kitaphanasyn, 375 mekteptiń ashanasyn jańǵyrtý, 598 mektepke kúrdeli jáne aǵymdaǵy jóndeý júrgizý, 409 mekteptiń jıhazdaryn jańartý josparlanǵan.
Atalǵan jobanyń nátıjesinde 369 myń oqýshynyń oqý jáne tárbıelený jaǵdaıyn jaqsartý kózdelip otyr.
