Foto: Kólik mınıstrligi
Kólik mınıstrliginiń habarlaýynsha, jańartylǵan standartty «Qazaqstan jol ǵylymı-zertteý ınstıtýty» (QazjolǴZI) mamandary ázirledi. О́zgerister júrgizilgen zerthanalyq synaqtar men ǵylymı zertteýler negizinde Instıtýt ǵalymdary men mamandarynyń qatysýymen, joldardyń naqty paıdalaný jaǵdaılary men halyqaralyq talaptar eskerile otyryp júzege asyryldy.
Aıta keteıik, standarttan resmı túrde qaıta qalyptastyrylǵan asfaltobeton synamalarynyń sýmen qanyǵý kórsetkishi alynyp tastalǵan.
«Bul sheshim zerthanalyq zertteýlerdiń nátıjesine negizdelgen. Zertteýler kórsetkendeı, asfaltbeton synamalaryn qaıta qalyptastyrý kezinde materıal qurylymyna áser etetin iri shaǵyl tastyń qarqyndy úgilýi baıqalady, standartty tyǵyzdaý kezinde bul kórsetkish 18%-ǵa deıin jetýi múmkin. Mundaı jaǵdaı synaq nátıjeleriniń jáne sýmen qanyǵý kórsetkishinin burmalanýyna áser etýi múmkin», dep málimdedi «QazjolǴZI».
Standartty jańartý sapany baqylaýdyń obektıvti júıesine kóshý jáne jol qurylysyn tıimdi etýdiń mańyzdy qadamy bolyp tabylady. Bul merdigerler men óndirýshiler úshin kelesi múmkindikterdi beredi:
- Naqty jaǵdaılarǵa beıimdelgen zamanaýı baqylaý ádisterin engizý;
- Synaqtardyń burmalaný qaýpin azaıtý;
- Tehnıkalyq talaptardyń túsiniktiligi men boljamdylyǵy;
- Jol jamylǵysynyń senimdiligin arttyrý esebinen shyǵyndardy azaıtý.
«Sonymen qatar, standart kelesi qosymsha ózgeristerdi qamtydy: qospany tóseý temperatýralyq rejımin qaıta qaraý; tyǵyzdaý koeffısıenti boıynsha naqtylaý; tas materıaldyń bıtýmmen ilinisýine qoıylatyn talaptardy naqtylaý; qospalardy áýeaılaqtarda, qalalyq kóshelerde jáne ónerkásiptik nysandarda qoldaný aıasyn keńeıtý», delingen habarlamada.
Mamandardyń aıtýynsha, mundaı normatıvterdi ázirleý men qaıta qaraý úshin mindetti túrde beıindi ǵylymı ınstıtýttardyń qatysýy, aspaptyq synaqtar men keshendi zertteýler qajet. Osyndaı tásil halyqaralyq talaptarǵa sáıkestikti qamtamasyz etip qana qoımaı, Qazaqstandaǵy naqty klımattyq jáne paıdalaný jaǵdaılaryn da tolyq eskerýge múmkindik beredi.
