BIRLIGIMIZ JARASQAN!

QAZAQSTAN – KEŃ BAITAQ, ORTAQ OTAN

Qarqarada ótken jastar forýmy el mereıin aıshyqtady

Án men jyrdyń besigi, Qyzyr da­ryp, qut qonǵan Aspantaýlar eteginde shalqyǵan sherý ótti kúni keshe. Onyń ataýy el júreginde atoılaǵan “Qazaqstan – keń baı­taq, ortaq Otan” dep atalyp, buǵan deıin óńirdegi aýdandar men qala­lardaǵy “Birligimiz jarasqan!” aqsııasy jalǵasyp, jastardyń qo­ǵamdyq, saıası belsendiligin art­tyrýǵa qozǵaý salǵanyn, olardyń týǵan jerge degen móldir sezimi men Otanyna degen súıispenshiligin arttyrýǵa jolbasshy bolǵany ótý barysynda aıqyn ańǵaryldy. Osy oraıda, danyshpan Abaıdyń “Te­ginde, adam balasy, adam balasynan aqyl, bilim, ar, minez degen qasıet­te­rimen ozady” degeni búgingi tol­qynǵa arnalǵandaı. Jetisý jerinde ótken jastar forýmdary men fes­tıvalderinde osy uly murat, bıik talap barynsha aıqyndala tústi. Raıymbek aýdanyndaǵy atalǵan mereı Kegen aýylynan 30 shaqy­rym qashyqtyqtaǵy Qarqara jaı­laýynda ótýiniń ózindik astary bar. О́ıtkeni, halqynyń azattyǵy úshin qurban bolǵan Ereýiltóbedegi boz­daqtarǵa arnalǵan eskertkishke taǵ­zym etkender sol kezdegi saıasatqa qarsy shyqqan kóterilisshilerdiń qaharmandyǵyn taǵy bir eske túsirip, erligi aldynda perzenttik paryzynyń óteýindeı boldy. Táýelsizdikti ańsaǵan batyrlardyń arýaǵyna quran baǵyshtalǵan soń kópshilik mereıli sáttiń endigi bó­ligin aspan tústes Týymyzdy bıik tuǵyrǵa ornatýmen órdi. О́ıtkeni, kógildir Tý búgingi egemendiktiń, qa­z­aq jastarynyń ar-namysynyń bıiktigin, aǵa urpaqtyń dástúrine adaldyǵyn jańa bir qyrynan ta­nytqandaı, samal jelmen terbelip, bıikteı berdi... Jigerli, qaıraty mol, júregi elim dep soqqan jastar forýmyna óńirdegi aýdandardaǵy ishki saıasat bólimderi men jastar uıymdary, aǵa býyn ókilderi qatysyp, bel­sendilikterin jańa bir qyrynan jarqyratty. Festıval Ereýiltóbedegi kóte­rilis qurbandaryna qoıylǵan es­kertkishke gúl shoqtaryn qoıýmen, aýdan ortalyǵyndaǵy №2, №3 Ke­gen jáne basqa orta mektep oqý­shylary ulttyq rámizderimizdi, jú­rekke nur quıǵan óreli sózdermen órnektelgen jastar sherýimen jal­ǵasty. Týǵan Qazaqstanymyz, Mem­leket basshysy jaıly ósıetti sóz­der, aıshyqty urandar kóterilip, týy­myz jelbirep, Ánuran shyr­qal­dy. Bir aıta keterligi, aýdan aýma­ǵyn­daǵy 23 selolyq okrýgtegi jas­tar uıymy men taǵy basqa eldi me­ken jurtshylyǵynyń kóńil-kúıleri kóterińki, erteńgi kúnderine degen senimderimen tanyldy. Jastar de­se, jastar. Bári de jarasym tapqan. Túgin tartsa, maıy shyqqan, ja­syl shalǵyndy jaılaý tórinde “Qa­zaqstan” sózi aıshyqty jazylsa, eki qanatqa Raıymbekteı abyz baba men táýelsiz Qazaqstannyń tuńǵysh Prezıdenti Nursultan Nazarbaev­tyń eńseli portretteri qoıylyp, jastardyń aldynda osyndaı asqaq tulǵalar turǵanda olardyń maqsat­tary bıik, armandarynyń asqaraly bolatyny ómir zańdylyǵyndaı boldy. – Búgin Qaraqarada úlken me­reke. Armany asqaq jastardyń ob­lystyq festıvali jalǵasyn taýyp otyr. Jastar saıasaty – elimizdiń ma­ńyzdy baǵyty. О́tken tarıhy­myzdy túgendemeı, bolashaǵymyz tú­gendelmeıdi. Búgin júzdegen sha­qyrymnan kelgen qonaqtarǵa, jas­tarǵa ómir órinde sáttilik tileımin. Qazir aýdanda 22544 jas bar. Olar “Jasyl el” baǵdarlamasyna belse­ne qatysyp, týǵan jerin kórkeıtýge ózindik úlesin qosyp otyr. Jas­tar­dyń salamatty ómir saltyn qa­lyp­­­tas­tyrýyna da barlyq jaǵdaı jasalǵan. Qasıetti Han­­táńiri Raıymbekteı batyrdy, Muqa­ǵa­lıdaı aqyndy, Ber­dibek pen Baq­qo­jadaı qalam­ger­lerdi, Saǵattaı qaı­ratkerdi bergen ór ólke, dedi jastar aldynda sóılegen Raıymbek aýdanynyń ákimi Aıan Aıtjanov. Qazaqstan Respýblıkasy Pre­zı­denti Ákimshiligi Ishki saıasat bó­liminiń meńgerýshisi Darhan Myń­baı jınalǵandarǵa oı salatyn tyń pikir, utymdy oıyn ortaǵa saldy. – Qaı kezde bolmasyn, bardyń baǵasyn bilý ­– ardyń isi. Qashanda yntymaq pen birlik qasıetti uǵym. Osy oraıda, kórshiles qyrǵyz elin­­degi búgingi jaısyz jaǵdaıdy oı eleginen ótkizsek, birikkende eshqa­shan utylmaımyz. Elbasy aıtqan­daı Qazaqstannyń bolashaǵy munaı men qazba baılyǵynda emes, bilimdi jastarda ekendigine kún sanap kóz jetkizilýde. Búgingi “Birligimiz – jarasqan” aksııasy kezinde bir adamǵa bir jyly sóz aıtsaq, kómek kórsetip jatsaq, sonyń ózi úlken saýap. Jaqsy is qana jarqyrap, so­ńyna óshpeıtin iz qaldyrady. Osy baǵytta kóp jumys qolǵa aly­nyp jatyr. Oblys ákimi Serik Úm­betovtiń bastaýymen óńirde aýqym­dy jumystar qolǵa alynǵan. Oǵan qýanamyz. Bizdi adastyrmaıtyn aǵa urpaqtyń ónegeli joly. Elbasy­myz­dyń Joldaýyna arqaý bolǵan Sábıt atamyz, Eńbek Eri Jolseıit atamyz aramyzda otyr. Bul jastar úshin, biz úshin úlken qýanysh, zor mártebe desem artyq aıtpaǵanym. Árdaıym eńbektiń qadirin bilip, ortaq Otanymyzǵa ózindik qoldaý kórsetkenimizdi sezinsek, soǵan umtylsaq, odan ótken qýanysh joq. Búgingi festıval jumysyna sáttilik tileımin, dedi. Jastar aldynda sóılegen aý­dan­dyq ardagerler keńesiniń tó­raǵasy Sábıt Orazaev, Qarasaz aýy­lyndaǵy Alban-Asan Barman­bekuly atyndaǵy orta mektep oqýshysy Qadyraqyn Sabyrjan quttyqtaý lebizderimen jurtshy­lyqty bir serpiltip tastady. Jastardyń basqosýy dúrkirep ótip, jaılaý tóri qyzyq dýmanǵa ulasty. Forýmda aýdandaǵy ónerli jastar laıyqty marapattaldy. Salamatty ómir saltyn ustanǵan aýyl jurtshylyǵy qyz qýý, kók­par tartý, aýdaryspaq tárizdi ulttyq atsporty oıyndaryn ta­mashalady. Jeńispen jigerlengenderge jınalǵandar “Bárekeldi!” desip, qurmet kórsetip, dem berip jatty. Sondaı-aq, jastar kórermenderge Qarqaradaǵy Jambyl men Sara­nyń aıtysynan úzindi oryndap, sah­­nalandyrylǵan kórinis te kó­rer­­men­nen baǵasyn aldy. Aspantaýlar aıasyndaǵy abyz baba atyndaǵy aýdannyń bir jaǵy qyrǵyzben, endi bir jaǵy qytaımen shektesip, búgingi birliktiń usta­ny­myna beriktigin tanyta túskendeı. Búginde seksen bes myńnan astam halyq mekendeıtin aýdan jurtshy­lyǵynyń yntymaǵy men birligi, salt-dástúrge beriktigimen tánti etip, jastardyń óreli isterimen ór­nek­teldi. Kúmisjan BAIJAN. Almaty oblysy.

_______________

BURYN BOLMAǴAN QYZYQTY JOBA

nemese “Tıtandar tartysy”

Azıadany kútýge baryn salyp jatqan Almatynyń búgingi tirshiligi tolassyz. Qalanyń kúre jolda­ry­nyń bári kúrdeli jóndeýden ótýde. Ǵıma­rattar jańa keıipke enip, sha­har za­manǵa saı qaıta abattan­dyrylýda. Alaman daıyndyqpen alysqan tynymsyz kúnderde ońtústik asta­nada salamatty ómir saltyn nası­hat­taýǵa baǵyttalǵan sharalar legi de kóbeıip keledi. Sońǵy senbi qa­la­­lyqtar úshin esten ketpesteı dý­mandy boldy. “Birligimiz jaras­qan!” respýblıkalyq aqparattyq naý­qanynyń aıasynda ótken shara­lar shahardyń barlyq tusyn qamtydy. Tań aldynda tusaýyn kesken buqaralyq sporttyq jarystardy qala ákimi Ahmetjan Esimov ashyp berdi. “Armandar kýbogy” dep ata­la­tyn sporttyq sharalarǵa sala­mat­ty ómir saltyn ustanýǵa umtylǵan, velosıped tebe alatyn, maýtınbaık, strıtbol, jaǵajaı voleıboly men júgirýdi unatatyn árbir qala turǵyny qatysýǵa múmkindik aldy. Bir kúnde adam sportshy bolyp ketpese de, osy umtylys, osynaý bastamalar almatylyqtarǵa tamasha kóńil-kúı syılap, sportpen shuǵyl­daný nıetine bir taban bolsa da jaqyndatyp ketkenin baıqadyq. Al Ál-Farabı men Dostyq dań­ǵylynan bastaý alǵan velojarysqa 500-den astam adam qatysty. Qa­la­nyń kelesi jaǵyndaǵy Na­ýaı dańǵy­lynda jatqan máre sy­­zy­ǵyna udaıy velosıped teýip shy­nyqqandar shar­shamaı-aq jetip aldy. Bul kezde Ortalyq demalys já­ne mádenıet saıabaǵynda strıt­bol­dan jarys júrip jatqan bolatyn. Sol sekildi múmkindigi shekteýli jan­darǵa da arnaıy sporttyq ja­rystar uıymdastyrylyp, jigerli ótken saıystar jurttyń kóńilin kóterip ketti. Abaı men Altynsarın kó­shele­riniń qıylysyndaǵy Otba­sy­lyq saıabaqta buqaralyq-saýyqtyrý gım­nastıkalary ótti. Qyzyqty ót­ken bul aksııaǵa da kópshilik ilesip, senbiniń bir kúnin kóńildi ótkizdi. Barshany birlikke shaqyryp, salaýatty sharalardyń aınalasynda toǵystyrǵan bastamalar legi muny­men de tolastaǵan joq. Keshkisin Medeýde “Armandar kýbogyna” qatysqan barlyq sportshylar men qala turǵyndarynyń ishinen úzilip shyqqan úzdikter marapattaldy da, “Birligimiz jarasqan!” aksııasy tamasha mýzykalyq jobaǵa ulasty. “Medeý” muz aıdynynda ótken “Tıtandar tartysy” konserti eli­mizdiń eń tanymal ázilkesh artısteri men Reseıdiń áıgili óner juldyzy Tımatıdi tartý etti. Qysqasy, “Tamashanyń” tarlan­da­­ry “Nasha kazasha” jigitterimen óner kóriginde qaınap, “Tıtandar tar­ty­sy” atty buryn-sońdy bolma­ǵan oı­yn-saýyq jobasynyń sánin keltirdi. Tamasha ótken konsertte qala tur­ǵyndary ózderiniń súıikti es­tra­da juldyzdary – Naǵıma Esqa­lıe­va, Mádına Sádýaqasova, Jámıla Serkebaeva, Seıfýllın Jolbarys, Aqjol Meıirbekov, Tolqyn Zabı­ro­va, Baqyt Shadaeva, Parvız Naza­rov, Qaırat Túntekov jáne “Úr­ker”, “Daýys ınterneshnl”, “Jado” top­taryn, “L”, “Arnaý” dýetterin tyń­­dap, demalystaryn áserli ótkizdi. Aınash ESALI. ALMATY. ________

AQJAIYQTA  BAIRAQTY BÁSEKE

Oral qalasynda shilde aıynyń 3-6 kúnderi Prezıdent júldesi úshin respýblıkalyq IV  halyqtyq sport oıyndary ótedi. “Birligimiz ja­rasqan!” aksııasy aıasyndaǵy oı­yn­darda qatysýshylar 14 sport tú­ri boıynsha baq synasady. Ja­rys­qa Astana men Almaty qalasy ko­man­dalary jáne elimizdiń 14 ob­lysynyń sportshylary qatysady. Bir aıta keter jaı, voleı­bol­dan erler men áıelder ara­syndaǵy kez­de­sýler  maýsym aıynyń 21-27 kún­deri ótken bo­la­tyn. Oǵan 14 er, 10 qyzdar komandasy qatysty. Nátı­je­sinde erler arasynda Batys Qazaq­stan oblysynyń koman­dasy bi­rin­shi oryndy ıelense, ekinshi or­yn Shy­ǵys Qazaqstan oblysy, úsh­in­shi oryn Almaty oblysynyń ko­mandasyna buı­yrdy. Al qyzdar ara­synda Shy­ǵys Qazaqstan obly­sy­nyń koman­dasy bárinen ústem bol­dy. Ekinshi oryndy Batys Qa­zaq­stan oblysy, úshinshi oryndy Sol­tústik Qazaqstan oblysynan kelgen komanda enshiledi. Alty atalym boıynsha úzdik ta­nylǵandar men jeńimpaz komandalar arnaıy syılyqtarmen marapattaldy. Temir QUSAIYN. ORAL.

________________________

AÝYL AJARLANA TÚSTI Qandaı da bas­ta­manyń baıan­dy­ly­ǵy qanshalyqty qol­daýǵa ıe bo­lýy­na baılanysty. “Nur Otan” HDP Aq­tóbe oblystyq fı­lıaly “Jas Otan” jastar qa­na­ty­nyń “Aýyl­dyń gúl­denýi – Qa­zaq­stan­nyń gúlde­nýi” atty baǵaly bas­ta­ma­sy el boı­yn­sha qol­daýǵa ıe bolyp, jastar arasyn­daǵy marafon – estafetaǵa ulasýy da osyǵan naq­ty mysal. Bul marafon-estafetaǵa uıymshyldyǵy basymdaý qalalyq jerlerdi bylaı qoıǵanda, alys aý­yl­dardaǵy jastar da biraýyzdan ún qatty. Osyndaı óz aýylynyń ajar­ly bolýyna bir kisideı qatysqan Hazret orta mektebiniń 35 oqýshysy “Hazret” jáne “Qolǵanat” atty otrıadtarǵa toptasyp jumys istedi.. Balalar jumysqa kiriser aldynda mekteptiń medbıkesi A.Dáýletova olardyń densaýlyǵyn tekserip, jalpy jumysqa degen ál-aýqatyn baıqap, eńbek etýge ruqsat berdi. “Haz­ret” jáne “Qolǵanat” otrıad­tarynyń jetekshileri G.Ádilova men S.Dúısenbın balalardyń jaǵdaıyn qarastyryp, jumysty jeńil de tez atqarýdyń joldaryn uıymdas­tyr­dy. Atqarylǵan sharýalardyń n­á­tı­jesin qorytyndylaý osy orta mek­teptiń tárbıe-isi jónindegi oryn­ba­sary A.S.Jubatqanǵa júktelgen eken. Onyń aıtýynsha, úsh aptada ma­rafon-estafetaǵa qatysýshy Haz­ret orta mektebiniń joǵary synyp oqý­shylary qyrýar sharýa tyndy­ry­p­­ty. Buryn-sońdy mundaı ıgi­likti kórmegen aýyl basshylary men úlkenderi jastardyń uıymshyldyǵy men eńbekqorlyǵyna dán rıza bo­lypty. Jaz boıy selteńdep bos júr­meı, Hazret aýylyndaǵy 180 úı­den turatyn alty kósheniń boıyn kúl-qoqystan, aýyl ortasynan óte­tin Shyntas ózeniniń jaǵalaýy men tabanyn tazartqan, 3 tonna turmys­tyq qaldyqty aýyl syrtyna shy­ǵar­­ǵan jastardyń eńbegi qalaı maq­taýǵa da laıyq. Olar budan basqa 150 aǵash kóshetterin otyrǵyzyp, aǵash­­tardyń qýraǵan butaqtaryn kesýmen de aınalysypty. Aýyldaǵy ıman­dy­lyq úıi meshittiń aınalasyn ta­zar­typ, qorshaýlaryn qalpyna kel­­­tirip, áp-ásem etip syrlap beripti. – Balalardyń týǵan tabıǵatty aıa­laýǵa degen qyzyǵýshylyǵy art­ty. Orman alqabyn synǵan aǵash­ta­dan jáne aýyl kóshelerin kúl-qo­qystan tazalap júrgen arnaýly úl­gi­degi kıim kıgen oqýshylar alys­tan-aq baıqalyp, jurtshylyqtyń rızashylyǵyna bólendi. Jas mara­fon­shylarǵa “Hazret” JShS dı­rek­tory Syrbaı Táńirbergenov qu­ral-jabdyqtan, kólikten kómek ber­di. Sóıtip, aýylymyz adam ta­ny­mastaı ajarlanyp, ásemdenip qal­dy, – deıdi aýyldyq okrýgtiń áki­mi Máten Saqtapbergen. Kóp ult­tyń ókilderi turatyn bir aýyldaǵy oń ózgeris bul. Birligi jarasqan aýyldyń er­teńi budan da jarqyn, budan da ja­ra­sym­dy bolatynyna senim mol. Al, oblys boıynsha 70 myń­ǵa jýyq jas­­tar qatysyp jat­qan “Aýyldyń gúldenýi – Qazaq­stan­nyń gúldenýi” marafon-esta­fe­tasynyń arqasynda qanshama aý­yl, qanshama eldi meken kórkeıip, kóriktenip qalatynyn esep­­teı be­rińiz, aǵaıyn. Bul bir ja­ǵy jas­tar­dy eńbekqorlyqqa baýlý, ekin­shi­den, týǵan aýylyńdy, ósken óńi­­riń­di súıýge tárbıeleý bolsa kerek. Satybaldy SÁÝIRBAI. Aqtóbe oblysy.

___________________________________

JASTAR KERÝENI AÝYLǴA ATTANDY

Jýyrda Qaraǵandy oblysy jas­tary bastamashyldyǵynyń or­ta­lyǵy jáne “Qazaqstan aza­mat­ta­ry” qoǵamdyq birles­tigi Abaı, Qar­qaraly aýdan­da­rynda “Jastar – jastarǵa” aqparattyq-mádenı ke­rýe­nin ótkizdi. Aýyldyń tynys-tir­shiligimen tanysý, aýyl jasta­ry­nyń ózekti máseleleri boı­yn­sha aq­parattyq-ádistemelik qol­daý kór­setý, olardy qazyna­ly óńirimizde, elimizde bolyp jatqan ózgeris­ter­men tanys­ty­rý maqsatynda ótken shara 600-ge jýyq adamdy qamtydy. Abaı aýdanynyń Iýjnyı kenti­nen bastaý alǵan kerýen úsh kúnge so­zylyp, uly aqyn atyndaǵy aý­dan­nyń Qulaıǵyr aýylyna, Qa­ra­bas kentine jalǵasty. Abaıdan soń, kerýen qasıetti Qarqaraly jerine jol tartty. Onda Mataq, T.Áý­bá­kirov aýyldaryna baryp, kerýen mú­sheleri jastarmen júzdesti. Jos­parlanǵan Kóktas aýylynda “Jol kartasy” baǵdarlamasy aıasynda jón­deý jumystary júrgizilip jat­qandyqtan, kósh “Jas dáýren” saý­yqtyrý lagerine baǵyttaldy. Ke­rý­en quramyna jastar uıymdarynyń kóshbasshylary, stýdentter, kóńil­diler men tapqyrlar klýbynyń, jas shyǵarmashylyq ujymdardyń ókilderi qamtyldy. Osymen tórtinshi jyl qatary­nan uıymdastyrylyp jatqan ke­rý­en bıyl “Birligimiz jarasqan!” ura­ny­men ótti. Onyń baǵdarlamasy aıa­­synda E.Bóketov atyndaǵy QarMÝ-diń aǵa oqytýshysy Baqyt О́mir­zaqova. El birligi doktrınasy tý­rasynda dóńgelek ústel ótkizdi. Bıylǵy jyldan bastap elimiz­diń ár aımaqtarynda Memleket bas­shysynyń tapsyrmasymen jasal­ǵan údemeli ındýstrııalyq-ınno­va­sııa­lyq damýdyń bes jyldyq jos­­­­­pa­ryn iske asyrý bastalǵany bar­shaǵa má­lim. Taý-ken óndirisi, kó­mir ónerká­sibi, qara jáne tústi metal­lýr­gııa, máshıne jasaý men metal óń­deý, hımııa jáne dári-dármek ón­er­kásibi, qurylys materıaldaryn óndirýge baǵyttalǵan jalpy sany – 100 joba da kerýen nazarynan tys qalmady. Sondaı-aq, kerýen baǵdarlama­syn­da aýyldyq jerde kásipkerlik­pen aınalysyp, ózindik isti júr­gizemin deýshi jastar úshin arnaıy “Aýyldyq jerlerde jastar kásip­kerligin damytý” atty semınar-tre­nıng uıymdastyryldy. Oblys áki­miniń jyl saıynǵy aýyldyq jas kásipkerler úshin beriletin grant­tary týrasynda, oǵan qajetti qu­jattar tóńireginde, kásipkerliktiń aýyldyq jerde júrgizýge bolatyn túrleri jóninde sóz bolǵan semı­nar­dy “Kásipkerlikti qoldaý jáne da­mytý qorynyń” Qaraǵandy bó­lim­shesiniń mamany Saıran Syz­dy­qova men “Qazaqstan kásipkerleri qaýym­dastyǵynyń” zańgeri Dıdar­bek Ilimbaev júrgizdi. Saıran Bega­lıqyzynyń aıtýynsha, aýylda kó­bine jastar shashtaraz, naýbaıhana, máshıne jóndeý servısterin ashyp, jumystaryn júrgizetin kórinedi. “Biz­diń maqsat – olarǵa kásipkerlikti ash­yp berý emes, qoldaý kórsetý, al­ǵa jeteleý”, – dedi óz sózinde maman. Sonymen qatar, balalar quqy­ǵyn qorǵaý departamentiniń ókili Meıramgúl Esenjolova “Balalar men jastardyń eńbegin paıdalaný” týraly, Qaraǵandy oblysy ishki ister departamentiniń kapıtany Er­tarǵyn Muqanov “Devıantty minez-qulyqty balalar arasyndaǵy qu­qyq buzýshylyqty retteý” jóninde, “Qaraǵandy oblysy jastarynyń oda­ǵy” qoǵamdyq birlestiginiń tó­raǵasy Birjan Álimjanov “Aýyl jas­tary” jalpyulttyq bastamasy sheń­berinde “Dıplommen – aýyl­ǵa” qoǵamdyq áleýmettik mańyzy bar jobany júzege asyrý” jaı­yn­da semınar-trenıngter ótkizdi. Semı­nar barysynda aýyldyq jas­tardy alańdatatyn ózekti máseleler tal­qylanyp, olardyń ońtaıly she­shilý joldary da sóz boldy. Shara barysynda jastarǵa qa­tysty suraqtar qamtylǵan olardyń qal-jaǵdaıyn anyqtaıtyn áleý­mettik saýalnama da alyndy. Jas­tar bastamashyldyǵy ortalyǵynyń mamany Tolqyn Egısheva júrgizgen saýaldamany keler aıda qorytyn­dylaý josparlanýda. Seksııalyq jumys ústinde jas­tarǵa aqparattyq-tanymdyq mate­rı­aldar (úndeý qaǵazdar, býkletter, kitapshalar) taratyldy. Dóńgelek ústelder men semınar-trenıngterdi qorytyndylaǵan soń, kerýen mú­sheleri, kóńildiler men tapqyrlar klý­bynyń oıynshylary Arnat О́t­ep­­bergenov, Aıan Shaımuhanov, Pa­vel Kostıýchenko jınalǵan jurt­qa kúl­ki syılasa, Ashat Igembekov ás­em ándi áýeletip, halyqty bir mar­qaıtty. Qarqaraly ulttyq saıabaǵynda or­nalasqan “Jas dáýren” bala­lar­dyń saýyqtyrý lagerinde kerýen qa­tysýshylary “О́zin-ózi taný” se­mınar-trenıngin ótkizdi. Kerýendi uıymdastyrýshy, sharapatty shara­nyń uıytqysy, jastar bastama­shyl­dyǵy ortalyǵynyń dırektory Gúl­nár Dalabaeva júrgizgen semı­nar-trenıngke Qaraǵandy qalasyn­daǵy “Tańsholpan” balalar úıiniń 25-ten artyq tárbıelenýshileri qa­tysty. Semınar barysynda bala­lar­ǵa saýalnamalar, kitapshalar ta­ra­tylyp, beınefılm kórsetildi. Odan keıin kóńildiler men tapqyr­lar klýbynyń oıynshylary bala­larǵa KTK oıyndaryn úıretý boı­ynsha sheberlik sabaqtaryn ótkizdi. So­­ńynda fýtboldan joldastyq oıyn jáne konserttik baǵdarlama uıym­das­tyryldy. Búldirshinderdiń júzde­rine nur uıalatyp, aıryqsha qýanysh qushaǵyna bólegen KTK oıyn­shy­laryna balalar dán rıza boldy. Atalmysh kerýendi ótkizý aýyl jas­tarynyń áleýmettik jaýapker­shiligi men eljandylyq sezimderin qalyptastyryp, azamattyq bas­ta­ma­­shyl­­dyqty jandandyrýǵa, ká­sipkerlik qyzmetti damytýǵa, aýyl men qala jastary arasynda serik­­­tes­tikti damytýǵa septigin tıgiz­gen­di­gi haq. Igi shara keler jyly da óz jalǵasyn tabady degen senimdemiz. Erbol SARMÝRZIN. QARAǴANDY.

_________________________________________

ESIRTKISIZ О́MIRDEN EShKIM UTYLMAIDY

“Nur Otan” HDP Jambyl ob­lystyq fılıaly oblystyq ishki is­ter departamenti, Jambyl gýma­nıtarlyq-tehnıkalyq ýnıversıteti jáne oblystyq salamatty ómir saltyn qalyptastyrý ortalyǵynyń qoldaýymen Jambyl aýdanynyń Asa aýylynda “Esirtkisiz ómir!” atty aksııa ótkizdi. Aksııany aýdan ákimi Mahambet Dúısembaev ashyp, jastar arasynda nashaqorlyq máselesiniń týyndap otyrǵanyna alańdaýshylyq bildire kelip, aýdan turǵyndary men jastardy esirtkige qarsy birigip kúresýge shaqyrdy. Aýdan ortalyǵynyń ortalyq alańyna jınalǵan myń jarymǵa jýyq jastar ákim sózin qoldaı­tyn­dyqtaryn bildirip, nashaqorlyq sı­ıaq­ty adamzat balasyn azǵyndatýǵa aparyp soqtyratyn jat qylyqtyń aldyn alý maqsatynda daıyndalǵan jarnamalardy turǵyndar arasyna keńinen taratýǵa kómektesti. Olar­dyń arasynda stýdenttermen birge oqýshylar da boldy. Aýdan turǵyn­darynyń azamattyq jaýapker­shi­ligin belsendirek qalyptastyrý úsh­in jastardyń “О́limmen saýdalas­qan jerdi habarla!”, “Esirtkisiz ómir!”, “Esirtki – ólim!” degen tur­ǵy­daǵy urandaryn aksııaǵa qaty­sý­ǵa kelgender bir únmen qaıtalady. Oblystyq IID esirtki bıznesine qar­sy kúres basqarmasy qyzmet­ker­­leri qylmyskerlerden tárki­legen esirtkiler jurt aldynda otqa orandy. Aksııa ótken alańnyń tórine shyqqan dárigerler, ardagerler, jastar qozǵalysynyń basshylary oryn alyp otyrǵan ózekti máse­leler men soǵan qarsy ótkizilip jatqan is-sharalardyń mańyzdyly­ǵyna toqtaldy. – Nashaqorlyq indetin jeńý úshin naqty baqylaý, qoǵamdyq qol­daý, esirtki bıznesiniń aldyn alý men oǵan tıimdi qarsylyq sha­ra­lary qajet. Azamattardyń den­saý­lyǵy, olardyń belsendiligi men jastyq kúsh-jigeri elimizdiń basty baılyǵy bolyp sanalady. Búgin osyndaǵy árbir adam óz tańdaýyn jasap, nashaqorlyqqa qarsylyq bildiredi degen oıdamyz, – deıdi olar. Jambyl oblysyndaǵy nasha­qor­lyqpen, esirtki bıznesimen kú­res máseleleri, ásirese, óńirdiń jaǵ­­rafııalyq, tranzıttik jaǵdaı­y­na jáne Shý óńirindegi esirtki daı­yndaýǵa qolaıly shıkizat qo­rynyń mol bolýyna baılanysty týyndap otyrǵany belgili. Jambyl oblys­tyq IID esirtki bıznesine qarsy kúres basqarmasynyń aǵa ıns­pektory, polısııa podpol­kov­nıgi Vasılıı Dýbskııdiń aıtýyn­sha, oblysta sońǵy on jylda esirt­kige qatysty 12 myńnan astam qylmys anyqtalyp, esirtki bıznesi tóńire­ginde toptasqan onshaqty uı­ym­dasqan qylmystyq top taratyl­ǵan. Zańsyz aınalymnan 90 tonna marıhýana, 25 keli qara sora, 150 keli gashısh, 100 keliden astam kannabıs smolasy tárkilengen. Al qylmystyq jaýapkershilikke 10 myńnan astam adam tartylypty. Aksııa barysynda jergilikti ónerpazdardyń oryndaýynda “Ana kóz jasy” atty dramalyq qoıy­lymy kórsetildi. Sporttyq jarys­tar uıymdastyryldy. Aýdan tur­ǵyn­daryna oblystyq IID kınolo­gııalyq qyzmeti úıretilgen ıtte­riniń ıisshildigi men JGTÝ-dan arnaıy kelgen “Baýyrsaqtar” dep atalatyn kóńildi tapqyrlar klý­by­nyń ótkir oıly qoıylymdary da unady. Etekten tartqan esirtki má­selesine oraı qoǵamdyq pikirdi bilý maqsatynda suraqtar qoıyldy. Aksııa barysynda ótken baıqaý jeńimpazdary syılyqtarmen jáne maqtaý qaǵazdarymen marapattaldy. Kósemáli SÁTTIBAIULY. Jambyl oblysy.