Saltanatty sharany aýdan ákimi Jasulan Estenov ashyp, jınalǵandardy ǵajaıyp ǵımarattarymen, erekshe kelbetimen kóz tartatyn Astana qalasynyń merekesimen quttyqtap, aýdannyń áleýmettik-ekonomıkalyq damýyna az-kem toqtalyp ótti. Odan keıin kópten kútken qýanysh ıelerine turǵyn úılerdiń kiltin saltanatty túrde tabystady. Qolyna páter kiltin alyp, júrekjardy qýanyshqa kenelgen 37 otbasy turǵyn úı kezeginde turǵan halyqtyń áleýmettik osal tobyna jatady. Olardyń qatarynda jetim, ata-anasynyń qamqorlyǵynsyz qalǵan balalar, múmkindigi shekteýli balany ósirip otyrǵandar, kópbalaly jáne tolyq emes otbasylar boldy. Jańa baspana turǵyndarǵa «Arnaý» turǵyn úı kesheni jáne «Sáýkele» yqsham aýdandarynan berildi.
Aıta ketý kerek, ótken jyly aýdanda «Halyqtyń áleýmettik jaǵynan osal toptaryna jatatyn otbasylarǵa» satyp alý quqyǵynsyz memlekettik turǵyn úı qorynan baspanaǵa muqtaj 85 otbasyǵa jańa páter kilti tabystaldy. Bul – turǵyn úımen qamtamasyz etý baǵytynda atqarylǵan júıeli jumystyń naqty nátıjesi.
Bıylǵy jyldyń basynan beri taǵy 36 otbasy baspanaly boldy. Búgingi tańda olardyń qataryn 37 otbasy tolyqtyryp, kópten kútken qonystoıyn atap ótýde. Osylaısha sońǵy bir jarym jyl ishinde 158 otbasy óz shańyraǵyna ıe boldy.
Munyń bári – halyqtyń ál-aýqatyn arttyrýǵa, áleýmettik qoldaýdy kúsheıtýge baǵyttalǵan memlekettik saıasattyń naqty kórinisi.
«Baspana – turaqtylyq pen senimdiliktiń kepili», – degen aýdan ákimi aldaǵy ýaqytta da bul baǵyttaǵy jumystar jalǵasyn tabatynyn atap aıtty.
Almaty oblysy.
