Sýret: baq.kz
Tizimniń basynda temirjol tur. «Semeı – Dostyq» stansalary arasynda №457/458 poıyzy taq kúnderi qatynaıdy. Sonymen qatar, Aqtoǵaı arqyly ótetin №6941/6942 poıyzy kún saıyn júredi. Bul baǵyttar Abaı óńiriniń turǵyndaryna eń tıimdi joldardyń biri sanalady.
Avtokólikpen qatynaǵysy keletinderge de jol ashyq. Abaı oblysy arqyly Alakólge jetýdiń eń qolaıly joly – «Taskesken – Baqty» avtojolymen Maqanshy aýylyna deıin (133 km), odan ári jańartylǵan «Maqanshy – Jalańashkól» jolymen Alakóldiń soltústik jaǵalaýyna jetýge bolady. Bul baǵyttaǵy asfalt jańartylǵan, jol sapasy da jaqsy.
Buǵan endi áýe qatynasy qosyldy. SCAT áýe kompanııasy jaz maýsymynan bastap Úrjarǵa reıster ashty. Almaty, Astana qalalarynan aptasyna alty ret ushatyn reısterdiń bılet quny qoljetimdi: «Almaty – Úrjar» baǵyty boıynsha – 14 myń teńge, «Astana – Úrjar» baǵytynda – 16 myń teńge. Úrjardan kólge deıingi qashyqtyq – nebári 50 shaqyrym.
Jalpy, jazǵy maýsymda Alakólge poıyzben barýǵa 13 baǵyt qarastyrylǵan. Olardyń toǵyzy kezeńdik. Almatydan – bes, Astanadan – úsh, Pavlodar, Qyzylorda, О́skemennen qatynaıtyn poıyzdar bar. Avtomobılmen baratyndarǵa «Taldyqorǵan – О́skemen» kúre joly – taǵy bir balama jol. Jetisý jaǵynan Úsharal arqyly, odan keıin jańartylǵan 180 shaqyrymdyq «Úsharal – Dostyq» jolymen kóldiń ońtústik jaǵalaýyna jetýge bolady.
Abaı oblysy
