Saıótestegi alǵashqy barlaý uńǵymasyn burǵylaý jumysynyń bastalýyna aýdan ákimi Ǵalymjan Nııazov, Energetıka mınıstrligi Kómirsýtekter jáne jer qoınaýyn paıdalaný salasyndaǵy memlekettik baqylaý departamentiniń dırektory Nurlybek Berdıev, «Sinopec» kompanııasynyń bas dırektory Chjao Sıýanmın, QHR bas konsýly Go Iýı sáttilik tilep, jumys birlesken is-qımyldyń nátıjesi ekenin atap ótti.
– Bul bastama jer qoınaýyn zertteý aıasyn keńeıtip, elimizde munaı-gaz salasynyń damýyna jańa serpin beredi. Burǵylaý jumysy sátti, qaýipsiz ári tabysty ótýine tilektespiz, – dedi Ǵ.Nııazov.
Investısııalyq joba aıasynda 2024–2025 jyldary S-1 uńǵymasyn, 2026–2027 jyldary S-2 uńǵymasyn burǵylaý júrgiziledi. Bul jumys óńir ekonomıkasynyń damýyna, jańa múmkindiktiń paıda bolýyna zor yqpal etedi.
