Bıyl Almatyda 1989 jyldan beri alǵash ret eseptegishtermen jabdyqtalmaǵan páterler men úıler úshin sý tutynýdy esepteý normalary ózgerdi. Endi mundaı tutynýshylar úshin quny árbir tirkelgen adamǵa aıyna 15 tekshe metr sý normatıvi negizinde esepteledi. Sýmen jabdyqtaýdyń qoldanystaǵy tarıfi boıynsha bul 2217,60 teńge. Ortalyqtandyrylǵan sý burý jaǵdaıynda káriz úshin bir adamǵa 687,96 teńge mólsherinde qosymsha aqy alynady. Osylaısha, eseptegishi joq tórt adamnan turatyn otbasy endi aı saıyn 12 000 teńgege jýyq shot alady.
Shahar halqyn eseptegish qurylǵylar ornatýǵa yntalandyratyn shara aldymen turǵyndardyń ózine tıimdi. О́ıtkeni tek naqty tutynylǵan mólsher úshin tólem áldeqaıda arzan.
«Tutyný normalarynyń ózgerýi búgingi tańda aspaptarmen jabdyqtalý deńgeıiniń 78%-ǵa jetýine ákeldi. Jyl sońyna deıin barlyq páterler men úılerdiń 90%-y esepke alý quraldarymen qamtamasyz etiletin bolady. Bul sý resýrstaryn únemdeýge kómektesedi», deıdi «Almaty Sý» MKK departament dırektory Serik Shaǵyrov.
Sýdyń negizgi tarıfteri qysta bes jyl merzimge bekitilgen. Jyl saıynǵy josparly azdaǵan ósimnen basqa, eseptegishteri bar tutynýshylar úshin baǵa kúrt qymbattamaıdy, dep sendiredi maman.
