Drondar arqyly patrýldeý júıesi engizildi
Jaǵalaý boıynda beınebaqylaý kameralary ornatylǵan. Mysaly, Aqshı aýylynda 44, Kóktumada 9 baqylaý kamerasy iske qosylady. Drondar quqyq buzýshylyqty anyqtap, jedel túrde ýchaskelik ınspektorlarǵa habar beredi.
Sýdy ortaq paıdalaný erejelerin saqtaý maqsatynda oblysta arnaıy tártip bekitilgen. Sý kólikterin baqylaý úshin kóliktik baqylaý ınspektorlarynyń sany artty. Qazirdiń ózinde 23 zań buzýshylyq tirkelip, 12 shaǵyn keme aıyp turaǵyna qoıylǵan.
«Bizdiń basty maqsatymyz – aıyppul salý emes, demalýshylardyń qaýipsizdigin qamtamasyz etý», deıdi oblystyq kóliktik baqylaý ınspeksııasynyń basshysy Dastan Jumaqulov.
Qoǵamdyq tártip pen medısına qyzmeti qamtamasyz etilgen
Kól jaǵalaýlarynda polısııa qyzmetkerleri táýlik boıy tártipti qadaǵalap, arnaıy patrýldik avtoekıpajdar jumys isteýde. Polısııa departamentiniń málimetinshe, osy maýsymda ishimdik ishý, ruqsatsyz saýda jasaý jáne tazalyqty buzý sııaqty 28 quqyq buzýshylyq tirkelgen. О́tken jylmen salystyrǵanda tártip buzýshylyq aıtarlyqtaı azaıǵan.
Sondaı-aq Aqshı aýylynda táýlik boıy jedel járdem, dárigerlik ambýlatorııa men dárihana jumys isteıdi. Oblys ortalyǵynan kardıolog, travmatolog syndy dárigerler kezeń-kezeńimen issaparǵa jiberilip turady.
Alakól jaǵalaýynda 22 sanıtarlyq-gıgıenalyq torap pen 180 qoqys konteıneri ornatylyp, tazalyq sharalary júıeli túrde júrgizilip jatyr.
