Foto: medayazhan.kz
Bul ózgeris stomatologııa men ortopedııadan basqa barlyq medısınalyq mamandyqtarǵa túsýshiler úshin (oqý túrine qaramastan – 9 nemese 11 synyptardyń negizinde) mindetti bolady.
Emtıhan beıindik pánder boıynsha bazalyq bilimdi, sondaı-aq talapkerdiń motıvasııalyq deńgeıin baǵalaýdy qamtıdy.
«Memleket basshysy jarııalaǵan jumysshy mamandyqtar jyly sheńberinde biz orta medısınalyq bilim alatyn mamandardy daıarlaý sapasyna qoıylatyn talaptardy kúsheıtemiz. Motıvasııa men daıyndyqty baǵalaýdyń biryńǵaı tásili esebinen túsý kezinde ádildik saqtalady. Bul - qoǵamnyń medısınalyq kadrlardy daıarlaý júıesine degen senimin arttyrýdyń alǵashqy qadamy», delingen Densaýlyq saqtaý mınıstrligi taratqan habarlamada.
Endi salalyq mınıstrlik Oqý-aǵartý mınıstrligimen birlesip talapkerler men olardyń ata-analaryn qabyldaýdyń jańa sharttarymen muqııat tanysýǵa jáne arnaıy emtıhanǵa aldyn ala daıyndalýǵa shaqyrady.
Qosymsha aqparat, tapsyrma úlgilerin, emtıhan kestesi jáne ótý erejelerin resmı saıttardan, oqý oryndarynyń aqparattyq júıelerinen alýǵa bolady.
