Tyńdaý barysynda sottalýshy Perızat Qaırat jáne onyń qorǵaýshysy qylmystyq isti jabyq tártipte qaraý týraly ótinish bildirdi.
Prokýror jábirlenýshilerdiń múddesi úshin sottalýshylardan jaýap alý jáne qujattardyń bir bóligin jabyq formatta zerdeleý qajet ekenin aıtty, sebebi bul materıaldarda qupııa jáne bank qupııasyn quraıtyn málimetter bar.
Jábirlenýshilerdiń bir bóligi bul ótinishti qanaǵattandyrýdy surady, al ekinshi bóligi bul máseleni sottyń qaraýyna qaldyrdy.
Taraptardyń ýájderin tyńdaǵannan keıin sot isti ashyq túrde qaraýǵa sheshim qabyldady. Sonymen qatar, BAQ ókilderine sot prosesine qatysýǵa jáne foto, beınetúsirilim jasaýǵa ruqsat berildi (sottalýshylardyń foto jáne beınelerin túsirýge qarsy bolǵan jaǵdaılardan basqa).
- Osyǵan oraı, jábirlenýshilerdiń qupııa jáne bank qupııasyn quraıtyn málimetterin saqtaý maqsatynda sottalýshylardan jaýap alý jáne osyndaı málimetterdi qaraý jabyq sot otyrysynda ótetin boldy, delingen habarlamada.
Negizgi sot otyrysy 2024 jylǵy 14 shildege taǵaıyndaldy.
