26 maýsym kúni «Halyqaralyq nashaqorlyqqa jáne esirtkiniń zańsyz aınalymyna qarsy kúres» kúnine oraı Almaty qalasy Naýryzbaı aýdany aýmaǵyndaǵy №157 jalpy bilim beretin mektepte Naýryzbaı aýdanynyń demalys ortalyqtary arasynda «Bes qarý» atty áskerı-patrıottyq saıys ótti. Saıysqa 14–16 jas aralyǵyndaǵy balalardan quralǵan komandalar qatysty.
Is-sharanyń negizgi maqsaty – jas urpaqtyń boıynda otansúıgishtik qasıetti qalyptastyrý, áskerı-qoldanbaly daǵdylardy damytý jáne shuǵyl jaǵdaıda áreket etý qabiletterin shyńdaý boldy.
Saıys barysynda qatysýshylar kelesi baǵyttar boıynsha baq synady:
- avtomat (maket) shashyp-jınaý;
- avtomat oqtaryn jınaý;
- alǵashqy medısınalyq kómek kórsetý;
- gaztumyldyryq kıip júgirý;
- túrli kedergiler jolaǵynan ótý;
- týrnıkke tartylý.
Saıys nátıjesinde:
1-oryndy – «BizJibek» komandasy;
2-oryndy – «Asar arlan» komandasy;
3-oryndy – «Báıterek» komandasy ıelendi.
Jeńimpazdar men júldegerler gramota, medal, kýbok, statýetka jáne baǵaly syılyqtarmen marapattaldy.
Bul is-shara jasóspirimderdiń fızıkalyq daıyndyǵyn arttyryp qana qoımaı, olardy uıymshyldyqqa, tártipke, batyldyq pen jaýapkershilikke baýlydy. Osyndaı áskerı-patrıottyq saıystar jas urpaqtyń boıynda elge degen súıispenshilik pen azamattyq borysh sezimin qalyptastyrýda mańyzdy ról atqarady.
