Atalǵan aýmaqta jaǵajaı voleıboly men fýtbolǵa arnalǵan alańdarmen qatar, ústel oıyndaryna laıyqtalǵan oryndar – toǵyzqumalaq pen shahmat ústelderi, balalar men jasóspirimderge arnalǵan oıyn jáne vorkaýt alańdary ornatylǵan.
Eń kóńil qýantary – aýmaqtyń ulttyq naqyshta bezendirilýi. Trotýar tastary qazaqy oıýlarmen kómkerilip, kireberis tusqa halqymyzdyń kóne ulttyq oıyny — altybaqan qoıylǵan. Alań ortasyna keseden tógilgen aq sút ispetti gúl kompozısııasy ornalastyrylyp, raýshan gúlderi egilgen. Aınala túgel kógaldandyrylǵan. Jóndeý jumystaryn ShJQ «Qonaev Kórkeıtý» MKK júrgizdi.
«Turǵyndar arasynda salaýatty ómir saltyn nasıhattaý, jastardyń bos ýaqytyn tıimdi ótkizýine jaǵdaı jasaý – basty maqsatymyz. Jaǵajaı sport alańynyń dál janynda Krossfıt alańy bar. Qazirdiń ózinde bul aýmaq kúndelikti tańǵy jáne keshki mezgilde qala turǵyndarynyń eń súıikti ornyna aınaldy. Aldaǵy ýaqytta da qoǵamdyq oryndardy abattandyrý jalǵasady», – dedi TÚKSh bóliminiń basshysy Tımýr Aqmyrzaev.
Al qala turǵyny Aıdos Eskeldinov jańa nysandardyń paıda bolyp jatqanyna óz oıyn bildirdi.
«Keshki ýaqytta dostarymyzben kelip, fýtbol oınaımyz. Alań óte jaqsy salynǵan. Kóńilimizden shyqty. Sport – densaýlyq kepili bolǵandyqtan, halyqqa paıdaly nysandar salynyp jatqanyna qýanyshtymyz», – dedi ol.
Sondaı-aq, qala turǵyndary men qonaqtardyń jaılylyǵy úshin Qonaevta jańa skver salynýda.
Almaty oblysy.
