Shymkentte 200- den astam meshit bolsa, sonyń otyzǵa jýyq din qyzmetkeri jarysta shahmattyń jyldam túri ıaǵnı rapıd boıynsha baq synady. Uıymdastyrýshylar shahmat zııatkerlik oıyn, sondyqtan ımamdardyń rýhanı ilimimen qosa zııatkerlik qabiletin de damytýdy maqsat tutqandaryn aıtady.
«Shahmattan ótken sporttyq oıyn ımamdar arasynda uıymdastyrylǵan alǵashqy sporttyq báseke. Qazaqstan musylmandary dinı basqarmasy dinmen birge adamnyń fızıkalyq, aqyl-oıynyń durys damyp, qalyptasýyn qoldaıdy. Osyǵan baılanysty múftııat jyl saıyn túrli baǵytta sporttyq is-sharalardy qolǵa alyp keledi. Shahmat jóninde aıtsaq, bul adamnyń oı órisin damytatyn oıyn. Sondyqtan adam shahmatty úırenip ony árdaıym oınap turý kerek. Shahmat ulttyń qanshalyqty zııatker aqyldy ekenin kórsetedi. Damyǵan memleketterde sondyqtan halyq shahmat oınaǵandy jaqsy kóredi. Bizdiń elde de shahmat jaqsy damyp keledi. Tipti bul jóninde Prezıdent shahmatty mektep baǵdarlamasyna engizý kerektigi jaıynda arnaıy bastama kótergeni belgili. Sol úshin de Memleket basshysynyń bastamasyn qoldaý maqsatynda elimizdiń musylmandar dinı birlestigi shahmattan úlken týrnır uıymdastyrdy» dedi Shymkent qalasy ortalyq meshiti ımamynyń orynbasary Ahmetjan Kerimbek.
Shahmattan týrnır keleshekte dástúrli sporttyq báseke bolady degen boljam bar. Al keshegi jarystyń júlde qory 200 myń teńgeni qurady. Týrınrde oryn alǵan barlyq jeńimpazdar baǵaly syılyqtarmen marapattaldy.
Shymkent
