Foto: Ashyq derekkózden
Sotta Perızat Qaırattyń joǵary bilimi joqtyǵy anyqtaldy. Kúdiktiniń ózi buǵan deıin birneshe ret joǵary bilim alǵanyn aıtqan bolatyn.
Prokýrorlar ol tabysty áıeldiń beınesin jasaý úshin BAÁ-de turyp, et jetkizýmen aınalysatyn otbasylyq bıznesti damytqany týraly jalǵan aqparat taratqanyn da atap ótti.
Sondaı-aq, ol 2012 jyly qor ashý kezinde quryltaıshylardyń atynan jalǵan qol qoıǵan. Qor mekenjaıy retinde oıyn klýby ornalasqan oryndy kórsetken. Bul is taraptardyń kelisimge kelýimen jabylǵan.
Sot barysynda Perızat Qaırat tasqynnan zardap shekkenderge kómek kórsetý maqsatynda qaıyrymdylyqqa qarjy jınaý syltaýymen 2 mıllıard 860 mıllıon teńge jınaǵany, qarajattyń bir bóligin jeke qajetine jumsaǵany málimdeldi.
