Foto: Astana ákimdigi
4 shaqyrymdyq qashyqtyqqa jalǵasqan júgiris Arbattaǵy Kenesary han eskertkishiniń aldynan bastalyp, Yryskeldi qajy meshitiniń janynda máresine jetti.
Qala ákimdiginiń Sporttyq-buqaralyq is-sharalardy ótkizý dıreksııasy basshysynyń orynbasary Erjigit О́serbaıdyń aıtýynsha qatysýshylar áserlerimen bólisip, razy bolyp jatyr. Júgirýden jarys jıi uıymdastyrylsa da medaldar únemi jańartylyp turady, bunyń ózi qosymsha emosııa beretindigi sózsiz.
«Júgiristiń arqasynda qala turǵyndary demalystyń tańyn sportpen bastaýdy ádetke aınaldyryp keledi. Qazirdiń ózinde otbasymen birge tolyqtaı qatysatyndardyń sany artyp jatqany anyq baıqalady. Elordamyzda júgirý men velosherýden ózge buqaralyq sporttyń da túrin ótkizýge atsalysyp jatyrmyz», dedi E.О́serbaı.
Elorda ákimdiginiń resmı saıtynyń habarlaýynsha jarysqa 1000-ǵa jýyq áýesqoı júgirýshi qatysyp, 9:00-de 4 shaqyrymdyq qashyqtyqty bastap ketti.
«10 jyldan astam ýaqyt boıy júgirip kelemin. Búginde júgirý ádet bolyp ketti. Salaýatty ómir saltyn ózim arqyly nasıhattaǵannyń arqasynda ózge tanystarym da osy joldy tańdady», dedi jarysqa qatysýshy Jansultan Qaldarov.
Buqaralyq júgiristiń sońynda ádettegideı qatysýshylardyń arasynda velosıped oınatylyp, estelik medal berildi.
