Foto: Ashyq derekkóz
Kýágerlerdiń biri – buǵan deıin «Jas Otan» jastar uıymynyń volonteri bolǵan Sergeı Matıýshenko – 2021 jyly Perızat Qaırattyń keńsege shaqyryp, daıyn hattama usynyp, quryltaıshy bolýǵa kelisim suraǵanyn aıtqan. Qujatta ózge tulǵalardyń aty-jóni men qoltańbalary aldyn ala toltyrylǵan kórinedi.
Matıýshenko birinshi qujatqa qol qoıǵanymen, ekinshi hattamaǵa qatysy joq ekenin, ondaǵy qoldyń óziniki emes ekenin naqtylady. Sot otyrysynda Perızat Qaırat pen kýáger arasynda qysqasha dıalog boldy. Aıyptalýshy onyń shynaıy jaýabyn suraǵanda, Matıýshenko:
«Ekinshi hattamaǵa qol qoıǵan joqpyn», dep jaýap berdi.
Sot barysynda sondaı-aq birlestik quryltaıshylary retinde tanylǵan taǵy eki kýáger de hattamadaǵy qoltańbalardy moıyndamaǵan. Olar da qujatqa eshqashan qol qoımaǵandaryn jetkizdi.
Qazirgi ýaqytta is boıynsha sot otyrysy jalǵasyp jatyr.
