Foto: gov.kz
Qarjylyq monıtorıng agenttiginiń ShQO-daǵy departanmenti áýejaı basshylyǵyna qatysty qyzmettik ókilettikterin asyra paıdalaný, asa iri kólemde senip tapsyrylǵan múlikti ıemdený jáne qylmystyq jolmen alynǵan qarajatty zańdastyrý faktileri boıynsha tergeý júrgizdi.
Tergeý barysynda áýejaı basshylyǵynyń eńbekaqyny negizsiz kóbeıtip, jalǵan syıaqylar men jalǵan sharttar jasaý arqyly júıeli túrde aqsha jymqyrǵany belgili boldy. Kúdiktiler jymqyrylǵan qarjyny kassa arqyly qolma-qol aqshaǵa aınaldyrǵan.
Osylaısha olar memleketke 157 mln teńge zalal keltirgen. Sonymen qatar, qoǵamnyń kommersııalyq nysandardyń jaldaý aqysyn tómendetip, naqty jalǵa berilgen aýmaqty azaıtyp kórsetkeni anyqtaldy. Mekemege tıesili kólikter de býhgalterlik esepten shyǵarylyp, naryqtaǵy qunynan birneshe ese tómen baǵamen senimdi tulǵalarǵa satylyp ketken.
Sot sanksııasymen kúdiktilerdiń 126 mln teńge kólemindegi múlkine, 4 páter, jer ýchaskesi jáne 2 avtokólikti paıdalanýǵa tyıym salynyp, kúdiktiler qamaýǵa alynǵan.
