Kúndizgi saǵat 12:30 shamasynda Aqtóbe-Atyraý-Reseı Federasııasynyń shekarasy baǵytyndaǵy joldyń 814-shaqyrymy tusynda Toyota Ipsum men EXEED avtokóligi soqtyǵysty.
«Jol apatynyń saldarynan oqıǵa ornynda 4 adam qaza tapty. Onyń arasynda kóliktiń júrgizýshileri bar. Al, ekeýi – EXEED kóligindegi jolaýshylar», dep habarlady departamenttiń baspasóz qyzmeti.
Qazir jol-kólik oqıǵasyna baılanysty qylmystyq is qozǵaldy. Tergeý amaldary júrgizilip jatyr. Sondaı-aq, bul aýdannyń aýmaǵynda 15 shildede saǵat 22:15 shamasynda taǵy da jol-kólik oqıǵasy tirkeldi. Atalǵan baǵyttaǵy joldyń 856-shaqyrymynda Toyota Crown jáne GAV GA8 avtokólikteri sıyrǵa soqtyǵysqan. Jol-kólik oqıǵasyna qatysty tergep-tekserý amaldary bastaldy.
