Jábirlenýshi tarap ókili Nurlan Júsipbekov 25 sáýir kúni «Biz Birgemiz Qazaqstan» qoǵamdyq birlestigine eki kompanııanyń esepshotynan 2,5 mln teńgeden 5 mln teńge aýdarǵanyn aıtty.
Kelesi kýáger Almatylyq stýdent Kamıla Aıdarqyzy týys ápkesimen birge áleýmettik jeli arqyly 800 myń shamasynda qarjy jınap, aıyptalýshy basqarǵan qorǵa aýdarǵan.
Kýáger prokýrordyń «qordyń shynaıylyǵyn tekserdińiz be?» degen saýalyna naqty teksermegenin jáne sol tusta kóptegen tanymal blogerler men azamattar qaıyrymdylyq qarjysyn osy atalǵan qorǵa aýdaryp jatqanyna qarap sheshim qabyldaǵanyn aıtty.
Túrkistan drama teatrynyń basshysy Alıhan Myrzahanulynyń aıtýynsha teatrdyń 180-nen astam qyzmetkeri birlesip sý tasqynan zardap shekkenderge bir kúndik jalaqysyn, bas-aıaǵy 604318 teńge aýdarǵan. Teatr ujymy da qarjynyń dittegen jerine jetken-jetpegenin teksermegen.
Qyzdar mektep-lıseıiniń oqý isi jónindegi orynbasary, túrik tiliniń muǵalimi Iylmaz Elman (Qazaqstan azamattyǵyn alǵan túrik) da 2024 jyly mamyr aıynyń basynda mektepte qaıyrymdylyq jármeńkesin jasap, jınalǵan 1 mln 704 myń qarjyny atalǵan qorǵa aýdarǵan. Kýáger endi qorǵa jiberilgen qarjyny óndirip, resmı memlekettik qorǵa aýdarýdy surady.
