Foto: gov.kz
Osy shara aıasynda ótken demalys kúnderi 22 júrgizýshiniń jol qozǵalysy erejelerin óreskel buzǵany anyqtaldy.
Máselen, polıseıler «Toyota Camry» markaly kólikti esirtki tutynyp basqarǵan 26 jastaǵy júrgizýshini toqtatqan. Bul fakt medısınalyq kýálandyrý qorytyndysymen rastalǵan. Ol QR ÁQBtK 608-babynyń 1-bóligine sáıkes ákimshilik quqyq buzýshylyq jasaǵan. Sot ony 15 táýlikke ákimshilik qamaýǵa alyp, 7 jylǵa kólik quralyn basqarý quqyǵynan aıyrǵan. Sondaı-aq narkologııalyq esepke qoıý jazasyn taǵaıyndaǵan.
Aıta keteıik, jyl basynan beri mas kúıinde kólik júrgizgeni úshin 900-den astam quqyq buzýshy jaýapkershilikke tartylǵan.
