Bul ádebı baıqaý 2025 jyldyń «Jumysshy mamandyqtar jyly» dep jarııalanýyna oraı uıymdastyrylyp otyr. «Prezıdent Qasym-Jomart Kemeluly Toqaev Qazaqstannyń bolashaǵy ınjenerlik kadrlardy daıyndaý sapasyna tikeleı baılanysty ekendigin, sondaı-aq, osy salany dáripteý arqyly jumysshy mamandyqtary bedeli men ımıdjin kótere otyryp, qoǵamda eńbekqor jáne naǵyz maman bolyp qalyptasý ıdeıasyn nasıhattaý qajettigin aıtqan edi. Bul baıqaý El Prezıdentiniń reformasyna sáıkes, «Eńbek adamy – О́ndiris adamy», «Jumysshy mamandyqtary jyly», «О́ńirlik damý men erekshelikti ashqan úzdik materıal» jáne «Injenerlerdiń qoǵamdaǵy orny» atty negizgi taqyryptardy qamtıdy», deıdi is-sharany uıymdastyrýshylar.
«Eńbek adamy – 2025» respýblıkalyq baıqaýynda shyǵarmasy eń úzdik dep tanylǵan Bas júlde (Gran-Prı) alǵan qalamgerge «Qazaqstan Jazýshylar odaǵy» RQB-i men Qazaqstan Respýblıkasy Ulttyq Injenerlik Akademııasynyń Tós belgisimen jáne Dıplomymen marapattalady.
Bas júlde (Gran-Prı) – 10 000 000 (on mıllıon) teńge.
1-oryn (sertıfıkat) – 5 000 000 (bes mıllıon) teńge.
2-oryn (sertıfıkat) – 2 500 000 (eki mıllıon bes júz myń) teńge.
3-oryn (sertıfıkat) – 1 000 000 (bir mıllıon) teńge.
Sonymen qatar baıqaýǵa qatysýshylar:
- «Zamanaýı óndiristegi eńbek adamynyń beınesi»;
- «Injenerlerdiń qoǵamdaǵy orny»;
- «О́ńirlik damý men erekshelikti ashqan úzdik materıal» atalymy boıynsha 500 000 (bes júz) myń teńgeden yntalandyrý syılyqtary boıynsha marapattalady.
Búginge deıin Qazaqstan Jazýshylar odaǵy shyǵarmashylyq qaýymdastyqtarmen, memlekettik mekemelermen, qoǵamdyq uıymdarmen jáne Atymtaı jomart mesenattarmen tyǵyz baılanysta jemisti jumys júrgizip keledi. Aıta keter bolsaq, buǵan deıin Ulttyq sport qaýymdastyǵymen birlesip uıymdastyrylǵan «Qulager» baıqaýy óz nátıjesin berip, onda jeńimpaz bolǵan aqyn-jazýshylarymyz qomaqty qarjylaı syılyqtarǵa ıe bolyp, rýhanı ári materıaldyq qoldaýǵa ıe bolǵan bolatyn.
Sol izgi dástúrdiń jalǵasy retinde, Qazaqstan Injenerlik akademııasymen jasalǵan ekijaqty kelisim negizinde Qazaqstan Jazýshylar odaǵy «Eńbek adamy – 2025» atty jańa respýblıkalyq baıqaýdy jarııalap otyr. Bul baıqaý – elimizdiń eńbek adamyn ulyqtaý, mańdaı terimen qoǵam damýyna úles qosyp júrgen azamattardyń beınesin ádebıet arqyly aıshyqtaý maqsatyn kózdeıdi.
Baıqaý talaptary men sharttarymen Qazaqstan Jazýshylar odaǵynyń resmı saıty men áleýmettik jelidegi paraqshalarynan tanysýǵa bolady.
