Foto: Úkimet
Sıfrlyq damý, ınnovasııalar jáne aeroǵarysh ónerkásibi mınıstri Jaslan Mádıev JI ınfraqurylymyn qurý týraly baıandady. Onyń aıtýynsha memlekettik organdardyń derekterdi óńdeý ortalyǵy taıaýda iske qosylǵan sýperkompıýterge kiriktirildi.
Qazaqstanda ınstıtýsıonaldyq ortany qalyptastyrý úshin 2024-2029 jyldarǵa arnalǵan JI-di damytý tujyrymdamasy bekitilip, «Jasandy ıntellekt týraly» zań jobasy ázirlendi. JI salasynda kadrlar daıarlaý úshin AI Corporate, TUMO Center, AI People jáne taǵy da basqa bilim berý baǵdarlamalary iske asyrylady. E-agent, egov AI, AI-terapevt, tax helper, SDU jáne E-aýdarmashy sııaqty ázirlenip jatqan sıfrlyq sheshimder týraly málimetter tyńdaldy.
Jıyn barysynda salalardy sıfrlyq transformasııalaý qarqyny qaraldy. QazTech ulttyq platformasy sıfrlyq ónimderdi jedel qurýǵa arnalǵan.
Mınıstrdiń aıtýynsha, sıfrlandyrýdyń platformalyq modelin engizý jańa IT-sheshimderdi iske qosý merzimin 1,5-3 jyldan 6 aıǵa deıin qysqartýǵa múmkindik beredi. Platforma biryńǵaı standarttardy, security by design qaǵıdaty boıynsha qaýipsizdikti jáne bultty tehnologııalardy qoldanýdy qamtamasyz etedi. QazTech synaqtary aqparattyq qaýipsizdik talaptaryna sáıkes aıaqtayp, tolyq iske qosý tamyz aıyna josparlanyp otyr. Búgingi tańda QazTech platformasynda memlekettik organdardyń biryńǵaı ınternet-portaly, Smart Bridge, Ekologııa jáne tabıǵı resýrstar mınıstrligine tıesili Qorshaǵan ortanyń ulttyq málimetter bazasy jáne taǵy basqalar jumys istep tur.
Memleket basshysynyń tapsyrmalary sheńberinde barlyq memlekettik organdar bir ýaqytta ozyq halyqaralyq tájirıbege súıene otyryp, sonyń ishinde Sıngapýr tájirıbesin qosa alǵanda, sıfrlyq transformasııa kartalaryn ázirlep jatyr.
Bul kartalar jasandy ıntellekt pen zamanaýı tehnologııalardy qoldana otyryp, negizgi prosesterdi jeńildetýge jáne jedeldetýge baǵyttalǵan. Basty nazar eskirgen prosedýralardy qaıta óńdeýge, derekterdi sıfrlandyrýǵa, sondaı-aq, E-Otinish, 109 jáne áleýmettik jeliler arqyly kelip túsken azamattardyń suranystaryn qaıta óńdeýge baǵyttalǵan. Kartalar sheńberinde negizgi basymdyq úderisterdiń reınjınırıngine jáne jasandy ıntellektti qosa alǵanda, perspektıvaly tehnologııalardy engizýge berilgen.
Premer-mınıstr iske qosylǵan sýperkompıýterdi qosa alǵanda, qurylyp jatqan JI ulttyq ınfraqurylymy memlekettik organdardyń qyzmetine jasandy ıntellekt engizý jónindegi jumysty jandandyra túsýde úlken múmkindikter beretinine nazar aýdardy.
Jıyn qorytyndysynda Oljas Bektenov bir aıdyń ishinde sıfrlyq transformasııa kartalaryna qatysty jumysty aıaqtaýdy tapsyrdy. Bul JI-dy ıntegrasııalaýǵa negizi bolmaq, sondaı-aq bızneske de memlekettik derekter bazasynda óz jobalaryn jasaýǵa múmkindik beredi.
