Jartylaı orta salmaqtaǵy Olımpıada men álem chempıony, Azııa oıyndary men qurlyq chempıonatynyń jeńimpazy Danııar Eleýsinov fılıppındik Djeıms Bekonmen (26-5, 17 KO) judyryqtasyp, ony ekinshi raýndta uryp jyqty. Bul – qandasymyzdyń kásipqoı rıngtegi on úshinshi jeńisi (8 KO). Sońǵy ret Danııar byltyr 28 qyrkúıekte Almatyda Fılıppınniń taǵy bir ókili Djo Noınaıany (23-5-2, 11 KO) oısyrata utqan edi.
Asa aýyr salmaqtaǵy Ivan Dychko amerıkalyq Semıýel Krossdpen (11-4-1, 7 KO) kúsh synasty. London men Rıo Olımpıadasynda qola medaldy ıelenip, álem chempıonatynda úsh ret jeńis tuǵyryna kóterilgen áıgili otandasymyz básekelesin birinshi raýndta sulatyp saldy. Bul – Ivannyń kásipqoı rıngtegi on besinshi jeńisi (14 KO). Sońǵy jekpe-jegin ol byltyrǵy jyldyń tamyz aıynda Plant-Sıtıde ótkizip, amerıkalyq Kreıg Lıýısti (15-8-1, 8 KO) nokaýtqa jibergen edi.
Bishkekte ótken halyqaralyq jarysta álem chempıony Sáken Bıbosynov kásipqoı bokstaǵy tusaýkeser kezdesýin ótkizdi. Bilikti bapker Myrzaǵalı Aıtjanovtyń shákirti fılıppındik Krıstıan Leganemen (6-1-3, 4 KO) qolǵap túıistirdi. Bul báseke birinshi raýndta Sákenniń aıqyn basymdylyǵymen aıaqtaldy.
