Mınıstr elimizdegi mýzeıler týraly aıtty

Mınıstrdiń aıtýynsha, jalpy, mádenı nysandardy jańartý, qalpyna keltirý, zamanǵa sáıkes qaıta beıimdeý jumystary Memleket basshysynyń tikeleı tapsyrmasymen júzege asyp jatyr. Prezıdenttiń óner salasyn qoldaýǵa qatysty úndeýine kásipkerler, demýshiler qoldaý bildirip, atsalysyp keledi. Onyń ishinde mýzeılerdiń de orny erekshe.

«Máselen, Ortalyq memlekettik mýzeıdiń jeldetý júıesin jóndeý maqsatynda «Bolat О́te­muratov» qorymen kelissózder júrgizilip jatyr. Osy oraıda mádenıet uıymdarynyń jumysyna demeýshilik kórsetip júrgen Samruk-Kazyna Trust korporatıvtik qoryna, Senim Qogamy qoryna jáne basqa da otan­dyq kásipkerlerge alǵysymdy bildiremin.

Al Á.Qasteev atyndaǵy Memlekettik óner mýzeıiniń shatyry jańartylyp, eks­pozısııalyq zaldary jóndelip jatyr. So­nymen qatar mýzeıdiń salqyndatqysh júıesi – «chıller» tolyqtaı aýystyry­lady. Bul jumystar respýblıkalyq bıýd­jetten tys, demeýshilik qarajat esebinen atqarylyp jatyr», dedi Aıda Balaeva.

Sala mınıstri Qasteev mýzeıinde jýyrda bolǵan jaǵdaıǵa da qysqasha túsi­nikteme berdi.

«Shilde aıynda mýzeı EfesArt Space jobasymen birlesip, birneshe mańyzdy kórme uıymdastyrdy. Bul seriktestik zamanaýı óner men áleý­met­tik mańyzdy taqyryptardy qoldaýǵa baǵyttalǵan. «Áıel eńbegi» atty qaıyrymdylyq kórmesiniń ashylýy mýzeı jumysynan keıin aldyn ala shaqyrylǵan, jasy 21-den asqan qonaqtardyń qatysýymen ótti. Kelisim boıynsha mýzeıde alkogolsiz sýsyndar usynylatyn fýrshet ótkizýge ruqsat berilgen. Alaıda keıterıng qyzmetin kórsetken kompanııa bul talapty buzyp, quramynda alkogol bar sýsyndardy da usynǵan. Osy oqıǵa boıynsha jaýapty tulǵalar anyqtalyp, «Efes Qazaqstan» kompanııasyna ákimshilik hattama tol­tyrylyp, aıyppul salyndy. Mýzeı bas­shylyǵyna da resmı eskertý berildi. Aldaǵy ýaqytta mundaı jaǵdaılardyń aldyn alý úshin baqylaý kúsheıtiledi», dedi mınıstr Aıda Balaeva.

Aıda Ǵalymqyzynyń aıtýynsha, kez kelgen órkenıetti eldiń rýhanı beınesi – onyń mádenı mekemeleriniń jaǵdaıynan kórinedi. «Eger biz óz tarı­hymyzdy qurmettesek, ónerge degen qur­metimizdi naqty ispen kórsetýimiz kerek», dedi mınıstr.