Foto: aikyn.kz
Mınıstrlik usynymdarynyń ishinde Sıfrlandyrýdy jáne ındýstrııany engizýdi jedeldetý 4.0. baǵdarlamasy bar.
Ken oryndary ornalasqan shalǵaı óńirlerdegi ónerkásiptik kásiporyndardy senimdi IoT-baılanyspen jáne joǵary jyldamdyqty ınternetpen qamtamasyz etý kózdelgen. Buǵan turaqty jáne tıimdi jumys isteý úshin 5G tehnologııasyn nemese spýtnıktik sheshimderdi engizý kiredi.
Ekologııalyq monıtorıng úshin, onyń ishinde shyǵaryndylardy, sýdyń lastanýyn jáne qorshaǵan ortanyń jalpy jaı-kúıin naqty ýaqyt rejıminde baqylaý úshin jasandy ıntellekt negizinde sensorlar men sheshimderdi belsendi engizilmek.
Sondaı-aq, «Qarmet» kompanııasynyń bas dırektory Vadım Basın taý-ken jáne metallýrgııa salalarynda ınnovasııalyq tehnologııalardy engizý baǵytynda atqarylyp otyrǵan sharalady aıtyp berdi.
2025-2028 jyldar kezeńinde kompanııada óndiris tıimdiligin, ónimniń qaýipsizdigi men sapasyn arttyrýǵa baǵyttalǵan birqatar negizgi jobany iske asyrý josparlanyp otyr.
Kómir departamentin sıfrlandyrý jobalary
aıasynda 2024 jyldyń tamyzynda Kómir departamentiniń dıspetcherlik-taldaý ortalyǵy qurylǵan. Ortalyq segiz shahtanyń jedel monıtorıngin qamtamasyz etetin DMMS óndirisin basqarýdyń ınnovasııalyq qazaqstandyq júıesimen jabdyqtalǵan. Júzege asyrý basqarýdy ortalyqtandyrýǵa, óndiristik táýekelderdi azaıtýǵa jáne qaýipsizdikti arttyrýǵa múmkindik berdi.
2025 jyly zerthanalyq aqparattyq júıe negizinde ónim sapasyn baqylaýdy birtindep engizý de josparlanǵan.
Aýysym aldyndaǵy medısınalyq kýálandyrý júıesi engizilip jatyr. Bul óndiristik jaraqat alý qaýpin azaıtýǵa múmkindik beredi.
2026 jyly «О́rken» JShS temir rýdasy departamentin jańǵyrtý jáne sıfrlandyrý jumystary da qolǵa alynady.
Qazir tehnıkany tıeýdi ońtaılandyrý jáne jedel josparlaýdy qamtamasyz etetin kenishterdi ımıtasııalyq modeldeý júıesi ázirlenip jatyr.
Vadım Basın bolat departamentiniń sıfrlyq bastamalarynda sóz etti.
«Qazirgi ýaqytta QR Ekologııalyq kodeksiniń talaptaryna sáıkes lastaýshy zattardyń naqty shyǵaryndylary týraly derekterdi berý qamtamasyz etilýde. Ekologııalyq monıtorıngtiń tıimdiligin arttyrý úshin júıeni keńeıtý máselesi pysyqtalyp jatyr. 2025 jyldan bastap energııamen jabdyqtaý parametrlerin jedel baqylaý jáne kásiporyndardyń energetıkalyq jelileri men jabdyqtarynyń tehnıkalyq jaǵdaıy men jumys rejımderin baqylaý maqsatynda energııa resýrstarynyń shyǵynyn esepke alý men ońtaılandyrýdy birtindep engizý júrgizilýde», dedi ol.
Al 2025 – 2027 jyldar ishinde shıkizat pen daıyn ónimdi naqty ýaqyt rejıminde qadaǵalaý múmkindigimen óndiristik úderisterdi avtomattandyrý boıynsha jumys júrgiziletin bolady.
