Foto: pixabay.com
Vedomstvonyń málimetinshe, áleýmettik jelilerde sheteldik azamat retinde tanysatyn alaıaqtar mahabbat pen senimge muqtaj jandardy arbap, aldymen jyly sózder aıtyp, jaqyn aralasýǵa tyrysady. Keıinirek túrli syltaýmen kómek surap, qarjy aýdarýdy ótinedi.
Mysaly, Astana qalasynyń bir turǵyny ınternet arqyly tanysqan adamyna senip, 9 mıllıon teńgeden astam aqshasynan aıyrylǵan.
Mınıstrlik azamattarǵa alaıaqtyq belgilerin ajyrata bilýge keńes beredi. Atap aıtqanda:
-
Tym tez bildiriletin sezim men úılenýge qatysty usynystar;
-
Vıdeoqońyraýǵa shyǵýdan nemese kezdesýden bas tartý;
-
О́mirindegi aýyr jaǵdaılar týraly aıtyp, aıaýshylyq týdyrý;
-
Aqsha, qujat nemese baǵaly zattardy jiberýdi suraý.
«Bógde adamdarǵa senip, qarjy aýdarýǵa asyqpańyzdar. Kúmándi jaǵdaı týyndasa, 102 nómirine habarlasqanyńyz jón», delingen mınıstrliktiń resmı eskertýinde.
