Foto: Informburo.kz
Buǵan deıin bul qyzmet tek eGov.kz elektrondy úkimet portalynda usynylatyn. Endi qoldanýshylar ony smartfon arqyly jyldam ári yńǵaıly túrde paıdalana alady.
Qyzmet keminde bir semestr bilim alǵan áskerı oqý oryndarynyń burynǵy kýrsanttaryna arnalǵan. О́tinish sıfrlyq formatta qalyptastyrylady, al qajetti derekterdiń basym bóligi memlekettik aqparattyq júıelerden avtomatty túrde júkteledi. Bul prosesti jeńildetedi. Alaıda, ótinishti oqýdan shyǵarylǵan kúnnen bastap bir jyl ishinde ǵana berýge bolatynyn eskerý qajet.
Qyzmetti paıdalaný tártibi:
- eGov Mobile mobıldi qosymshasyna kirip, avtorızasııadan ótý qajet;
- «Qyzmetter» – «Áskerı esepke alý» bólimine ótý;
- «Qazaqstan Respýblıkasy Qorǵanys mınıstrliginiń áskerı oqý oryndaryna qaıta qabyldaý» qyzmetin tańdaý;
- Oqý orny men oqýdan shyǵarylǵan merzim týraly aqparatty kórsetý;
- Jeke derekterdi óńdeýge kelisim berý;
- Qajetti qujattardy júkteý;
- ESQ nemese balamaly ádister arqyly ótinishke qol qoıý qajet.
Atalǵan qyzmet tegin kórsetiledi. Qaraý merzimi – 20 jumys kúni. О́tinishtiń nátıjesi «Jeke kabınet tarıhy» bóliminde kórsetiledi. Eger qaıta qabyldaýǵa negiz bolmasa, paıdalanýshy dáleldi bas tartý týraly jaýap alady.
Aıta keteıik, sıfrlyq jańalyq QR Sıfrlyq damý, ınnovasııalar jáne aeroǵarysh ónerkásibi mınıstrliginiń Memlekettik kórsetiletin qyzmetter komıteti, «Ulttyq aqparattyq tehnologııalar» AQ jáne QR Qorǵanys mınıstrliginiń birlesken jumysy nátıjesinde júzege asty.
