Jelide taraǵan beınelerdiń birinde ol azamat seriginiń qaltasynan uıaly telefondy alyp, ony kóshede ótip bara jatqan Qytaı azamattarynyń birine beredi. Keıin telefon joǵaldy dep, sol adamdy aıyptaǵan sáti kórsetilgen.
Taǵy bir vıdeoda ol beıtanys er adamdarǵa jaqyndap, qoly men aıaǵynan ustaǵan. Bul áreketter kóshedegi jáne metro stansııalaryndaǵy adamdardyń úreıi men túsinbeýshiligin týdyrǵan.
Túsindirý jumystary kezinde qyz bolǵan oqıǵaǵa ókinish bildirip, kelesideı túsinikteme berdi: «Meniń vıdeom eshkimdi renjitý maqsatynda túsirilmegen. Bul – oılanyp jasalmaǵan, asyǵys jarııalanǵan materıal. Eger beınejazbam bireýge jaǵymsyz áser etken bolsa, keshirim suraımyn. Endi kontent jarııalaýda muqııat bolýǵa tyrysamyn», – dedi ol.
Polısııa ókilderi áleýmettik jelilerde qandaı da bir materıal jarııalaý kezinde otandastarǵa da, shet memleket azamattaryna da qurmetpen qaraýdyń mańyzdylyǵyn eske salady. Mundaı áreketter arandatýshylyq retinde qabyldanyp, qoǵam tarapynan teris reaksııa týǵyzýy múmkin.
Sondaı-aq, shetelde júrgen árbir azamat sol eldiń qoǵamdyq tártip erejeleri men zańdaryn, mádenıeti men minez-qulyq normalaryn qurmetteýge mindetti. Bul talaptardy buzý sol eldiń zańnamasy aıasynda jaýapkershilikke tartýǵa ákelýi múmkin.
