О́skemendegi deneshynyqtyrý-saýyqtyrý kesheni sport mektebine berildi

О́SKEMEN. 17 aqpan. О́skemendegi deneshynyqtyrý-saýyqtyrý kesheni jaqynda olımpııalyq rezervtegi mamandandyrylǵan sport mektebiniń qaraýyna alyndy. Qazirgi kezde keshende basseındi tazalaý, oǵan sý quıý jumystary júrgizilýde. Jóndeý jumystary aıaqtalǵan soń basseınge kelý kestesi birshama ózgertiledi. Bul týraly egemen.kz tilshisi habarlady. Sport mektebiniń dırektory Arsen Tenniń aıtýynsha, munda mektep oqýshylary men qaladaǵy barlyq sport bólimderiniń tárbıelenýshileri júzýmen jattyǵatyn bolady. Alaıda, bul qala turǵyndary úshin deneshynyqtyrý-saýyqtyrý kesheniniń esigi jabyq degendi bildirmeıdi. Olar basseın sportshylardan bosaǵan ýaqytta jattyǵa alady. Jańa keste 20 aqpannan keıin belgili bolmaq. Sondaı-aq mektep basshylyǵy keıbir sanattaǵy azamattar úshin basseındi tegin paıdalaný múmkindikterin qarastyryp otyr. «Qazir bizde sportshylardyń júzý kestesi ázirlenip jatyr. Sportshylardan bosaǵan ýaqytta basseın halyq ıgiligine jumys isteıtin bolady. Buryn balalar túrli oryndarda jattyǵatyn. Endi keshenniń mektep balansyna berilýi arqyly kóptegen sporttyq seksııalar, kórkem gımnastıka, voleıbol jáne basqa da úıirmeler turaqty orynǵa ıe boldy», – dedi Arsen Ten. Dýman Anash. Derek: egemen.kz. Sýret: yka.kz.