Qazir Sarykól aýdanyndaǵy Barvınov aýylyna sý qubyry tartylyp jatyr. Bul aýylda qubyr aýystyrý jumystary byltyr bastalǵan. Búginge deıin 28 shaqyrymǵa jýyq sý jelisiniń jartysynan kóbi jańartyldy.
«Byltyr eki rezervýar salyndy. Bıyl sý sorǵysh stansııasyn ornatyp, ár 150 metr saıyn órt sóndirý gıdranttary qoıylady. Osynyń bárin qar túskenshe bitirsek dep otyrmyz», deıdi merdiger kompanııanyń ókili Valerıı Halıkov.
Atalǵan aýdanda halyqty aýyz sýmen qamtamasyz etý boıynsha úsh jyl merzimge eki joba jasalǵan. Búginde Barvınovtan bólek, «Nurly jer» baǵdarlamasy aıasynda Komsomol aýylyna ortalyqtandyrylǵan sý jelisi tartylyp jatyr. Eki eldi mekende shamamen 3 myńǵa jýyq halyq turady.
«Bizde 23 aýyl bar. Halyqty ortalyqtandyrylǵan sýmen qamtasyz etý jaǵyn aıtar bolsaq, 96,6% quraıdy. Bul jerde shaǵyn 5 aýylymyz bar. Sol bes aýylda sý taratý júıesi ornatylǵan», deıdi Sarykól aýdanynyń ákimi Marat Shymyrbekov.
Oblys ákimdiginiń málimetinshe, búgingi tańda Qostanaı óńirindegi aýyl turǵyndarynyń 91% sapaly aýyzsý tutynyp otyr. Barlyǵyn tolyq qamtý úshin arnaıy memlekettik qordan qosymsha 9 mıllıard teńgeden astam qarjy suratylyp, О́nerkásip jáne qurylys mınıstrligine ótinim hat jiberilgen.
Qostanaı oblysy
