Foto: ca.kontur.ru
Endi pasıentter medbıkege dárigerdiń kómekshisi retinde ǵana emes, naýqastardy qabyldaıtyn tolyqqandy maman retinde jazyla alady. Qabyldaýda áleýmettik jáne psıhologııalyq táýekelderge, onyń ishinde osaldyq faktorlaryna, ómir súrý jaǵdaılaryna, tamaqtanýǵa, kútimge jáne basqa da qaǵıdalarǵa qatysty saýalnama júrgiziledi. Bul pasıent jaǵdaıynyń negizdelgen beınesin qalyptastyrýǵa jáne kelesi qadamdardy jasaýǵa múmkindik beredi. Osydan keıin medbıke dıagnoz qoıady. Klassıfıkatorǵa sáıkes meıirgerlik aralasýdy oryndaıdy. ADQ úzindisin, anyqtamalardy resimdeıdi jáne dınamıkalyq baqylaý jospary boıynsha usynystar beredi. Osylaısha, medbıkelerdiń quzyreti artady.
Sonymen, dárigerler kúrdeli klınıkalyq jaǵdaılarǵa erekshe nazar aýdarady dedik. Osynyń arqasynda dınamıkalyq baqylaýmen qamtý 38%-ǵa deıin ósken. Al sozylmaly syrqaty bar pasıentterge kózqaras burynǵydan júıeli ári sapaly bola túsken. Medısınalyq-sanıtarııalyq alǵashqy kómek baǵytyndaǵy taǵy bir jańalyqty Respýblıkalyq medısınalyq-sanıtarııalyq alǵashqy kómek ortalyǵynyń dırektory Aıgúl Qasymova aıtyp berdi.
«Ekinshi jańashyldyq – «josparlanǵan qabyldaý» formatyn engizý. Ol ýaqyt boıynsha aldyn-ala anyqtalǵan ádisterge qatysty. Mundaı shara sozylmaly aýrýlary bar naýqastardy belsendi baqylaý jáne ózdiginen emdeýdi azaıtý úshin qabyldandy. Bul shuǵyl ótinishter sanyn qysqartýǵa, emdeýge jatqyzý deńgeıin tómendetýge jáne halyqtyń bastapqy býyn mamandaryna degen senimin arttyrýǵa múmkindik beredi. Dınamıkalyq baqylaýda turǵan pasıentter úshin «ózdiginen jazylý» fýnksııasy engiziledi. Iаǵnı, jeke qabyldaý kesteleri qalyptasady, pasıentter aǵyny retteledi», dedi A.Qasymova.
Budan ózge, pasıentter endi tirkeýshiniń nemese ýchaskelik dárigerdiń kómeginsiz beıindi mamandarǵa jazyla alady. Al josparly emdeýge jatqyzý aldynda konsýltasııalyq-dıagnostıkalyq qyzmetter nátıjelerin qoldaný merzimi 10 kúnnen 1-3 aıǵa deıin uzardy. Demek, endi pasıentter burynǵydaı dıagnostıkadan keıin 10 kún ótse, qaıta tekserýden ótpeıdi. Osylaısha, dáriger men pasıentterdiń ýaqyty únemdeledi.
