Foto: Polisia.kz
Polisia.kz saıtynyń habarlaýynsha 15 shildede betperde jáne kapıýshon kıgen eki er adam Astrahanka aýylynda erli-zaıyptylardyń úıine kirip, ańshy myltyǵymen qorqytý arqyly qaraqshylyq shabýyl jasaǵan. Shyǵyn tórt mıllıon teńgeden astam. Olar jábirlenýshilerdi baılap, úıleriniń jertólesine qamap ketken.
IIM krımınaldyq polısııa departamentiniń bastyǵy Qanat Nurmaǵambetovtyń aıtýynsha jedel-izdestirý is-sharalary barysynda kúdikti úsh adam ustalǵan.«Olardyń ekeýi Jambyl oblysynyń, biri Túrkistan oblysynyń turǵyny. Buǵan deıin birneshe ret osyndaı qylmystar úshin sotty bolǵan.Tintý barysynda jábirlenýshilerge tıesili altyn buıymdar tárkilendi», dedi Q.Nurmaǵambetov.
Qazirgi ýaqytta úsheýi de ýaqytsha ustaý ızolıatoryna qamalǵan, tergeý júrgizilip jatyr.
