Fotosýret: KazChess
Týrnır Senat tóraǵasy Máýlen Áshimbaevtyń bastamasy men Qazaqstan shahmat federasııasynyń prezıdenti Tımýr Týrlovtyń qoldaýymen uıymdastyryldy.
Jarysqa Aqtóbe, Atyraý, Batys Qazaqstan jáne Mańǵystaý oblystaryn qamtıtyn «Batys» aımaǵyndaǵy irikteý týrlarynyń nátıjesi boıynsha 132 úzdik shahmatshy qatysty.
Aqsaı qalasynan kelgen 35 jastaǵy Andarbek Salıhov 9-dan 8½ upaı jınap, týr jeńimpazy boldy. Atyraýlyq Ǵabıt Bısenǵalıev ekinshi oryndy ıelendi. Aqtóbe oblysynyń turǵyny Bolatbek Dosmaǵanbetov úshinshi orynǵa shyqty, onyń 7 upaıy Býhgols koeffısıenti boıynsha artyqshylyqa ıe bolyp, basqa qatysýshylardy aınalyp ótýge múmkindik berdi.
Jalpy esepte qatysýshylar ǵana joǵary nátıje kórsetken joq. Úzdik shyqqandar arnaıy sanattaǵy alty júldemen marapattaldy. Ardagerlerden Bolatbek Dosmaǵanbetov, áıelder arasynda Nadejda Ýskova, depýtattar men máslıhat qyzmetkerleri ishinen Qýanyshbek Ábdirahman, memlekettik qyzmetkerlerden Ǵabıt Bısenǵalıev, qoǵamdyq keńes músheleri arasynda Andarbek Salıhov, BAQ ókilderinen Birjan Kýhaev alǵa shyqty.
«Senat Open» II Ashyq kýbogi shveısarııalyq júıe boıynsha 9 týrdan turady. Ár oıynshyǵa 10 mınýt jáne ár júriske qosymsha 5 sekýnd beriledi. Bıylǵy týrnırge reıtıng kórsetkishi 2 myńnan tómen shahmatshylar qatysyp otyr. Aqpan men mamyr aralyǵynda elimizdiń ár óńirinde 20 irikteý týrnıri ótip, olarǵa 2100-den astam adam qatysty. Ardagerler arasyndaǵy jarystardy qosa eseptegende, qatysýshylar sany 3 myńnan asty. Alda taǵy bir jartylaı fınal bar, ol «Shyǵys» aımaǵynda ótedi.
