Aıta keteıik, QazUÝ – Reseı aýmaǵynda fılıal ashqan alǵashqy qazaqstandyq ýnıversıtet.
Kezdesýge Qazaqstan tarapynan QR Ǵylym jáne joǵary bilim mınıstri Saıasat Nurbek pen ál-Farabı atyndaǵy QazUÝ rektory Janseıit Túımebaev qatysty.
Reseı tarapynan bul is-sharaǵa RF Ǵylym jáne joǵary bilim mınıstri Valerıı Falkov, Omby oblysynyń gýbernatory Vıtalıı Hosenko, Omby oblysynyń joǵary bilim jáne ǵylymı-tehnologııalyq damý mınıstri Aleksandr Kolsov, F.M.Dostoevskıı atyndaǵy Omby memlekettik ýnıversıtetiniń rektor mindetin atqarýshy Ivan Krott qatysty.
Reseı Federasııasynyń Premer-mınıstri eki el arasyndaǵy bilim salasyndaǵy yntymaqtastyqtyń mańyzdylyǵyn atap ótti.
«Qazaqstan Prezıdenti Qasym-Jomart Toqaevtyń Qazaqstannyń da, Reseıdiń de bilim júıesine qalaı qaraıtynyn bilemin. Reseıdiń úzdik segiz joǵary oqý ornynyń Qazaqstandaǵy fılıaldary – Qazaqstan bıliginiń bilim berý salasyna, bizdiń birlesken jobalarymyzǵa degen qarym-qatynasyn kórsetedi», dedi Mıhaıl Mıshýstın.
Qonaqtar QazUÝ-dyń qabyldaý komıssııasynyń jumysymen tanysyp, oqý korpýsy men ǵylymı kitaphanany aralady.
M.Mıshýstın tanystyrylymnan keıin soǵys jyldarynda Qazaqstan Prezıdentiniń ákesi Kemel Toqaev em alǵan ardagerler gospıtaline baryp kelgenin jetkizdi.
Kezdesý barysynda QazUÝ rektory fılıaldyń qurylý tarıhyn baıandasa, mınıstr Saıasat Nurbek Qazaqstandaǵy reseılik JOO fılıaldarynyń qyzmeti jóninde málimet berdi.
QazUÝ fılıalynyń resmı ashylýy 2024 jylǵy 27 qarashada eki el prezıdentteriniń qatysýymen ótti.
RF Úkimetiniń basshysy Qazaqstandaǵy reseılik segiz fılıaldyń tabysty jumysyna alǵys bildirip, Ombyda jetekshi qazaqstandyq ýnıversıtet fılıalynyń ashylýynyń mańyzdylyǵyn atap ótti. Sondaı-aq ol talapkerlerdi QazUÝ fılıalyna oqýǵa túsýge shaqyrdy.
Qazirgi ýaqytta qabyldaý naýqany aıasynda QazUÝ fılıaly bakalavrıattyń úsh baǵyty boıynsha stýdentter qabyldaýda: fılologııa fakýlteti – qazaq tili men ádebıeti, zań fakýlteti – keden isi, halyqaralyq qatynastar fakýlteti – halyqaralyq quqyq. Jalpy 200-250 talapkerdi qabyldaý josparlanyp otyr.
