Memleket basshysyn Ankara qalasynyń «Esenboǵa» halyqaralyq áýejaıynda Túrkııa Prezıdenti Rejep Taııp Erdoǵan qarsy aldy. Qurmet qaraýyly sap túzep, eki eldiń týy kóterildi.
Áýejaıda eki el kóshbasshylary qysqasha áńgimelesti.
– Qonaqjaılyq tanytqanyńyzǵa kóp raqmet. Áýejaıǵa kelip, meni qarsy aldyńyz. Bul men úshin úlken qurmet. Bizdiń aramyzda eshqandaı túıtkil joq. Bizdi tek týystyq, yntymaqtastyq baılanystyrady. Erteń mańyzdy sapar bolady. Sapardyń baǵdarlamasy óte mazmundy. Ony tolyq iske asyramyz dep oılaımyn, – dedi Qasym-Jomart Toqaev.
Erteń, 29 shildede memleketter basshylary qazaq-túrik strategııalyq seriktestigin nyǵaıtý joldaryn talqylap, resmı kelissózder júrgizedi.
