Oqıǵa №2 kópsalaly oblystyq aýrýhanada bolǵan. Aqparat áleýmettik jelide paıda boldy.
- Ol qansyrap jatty, jylady, kómek surady. Túsik tastaý qaýpi bar edi, biraq dárigerler tarapynan eshqandaı áreket bolmady. Bul – sumdyq jaǵdaı. Áıel aýrýhanada da ózin qaýipsiz sezine almaıdy, – dep jazdy áıeldiń palatadaǵy kórshisi.
Aýrýhana ákimshiligi tıisti aqparatty rastady. Bul derek boıynsha qyzmettik tergeý bastaldy.
- Arnaıy komıssııa qurylyp, qyzmettik tekseris júrgizilip jatyr. Tergeý qorytyndysy boıynsha tıisti sharalar qabyldanady, – delingen málimdemede.
Kýágerlerdiń sózinshe, áıeldiń kómek suraǵanyna qaramastan, medısınalyq qyzmetkerler tek 1 saǵat 45 mınýttan keıin ǵana kelgen. Osy ýaqyt ishinde júkti áıeldiń jaǵdaıy kúrt nasharlap, náresteni aman alyp qalý múmkin bolmady.
