Kitaptyń tanystyrylymyna qoǵam qaıratkerleri, eńbek aragerleri men elimizge belgili ǵalymdar, ólketanýshy, aqyn-jazýshylar, jýrnalıster qatysty.
Kitapta Abaıdyń ádet pen ǵurypty, halyqtyń ómir súrý saltyn zertteı otyryp qazaq qoǵamyna qajetti zańdardy jazǵany tolyq qamtylǵan.
Kitap jaıynda «Qazaq tarıhı qoǵamy» QB Basqarma Tóraǵasy Radık Temirealıev:
- Bul tarıhı tájirıbe mańyzdy praktıkalyq jáne moraldyq mánge ıe. Ulttyń óz kúshine jáne múmkindikterine senbeýi kóbinese damýǵa eleýli kedergi keltiretini jasyryn emes. О́z kezeginde, nıgılıstik kóńil-kúı kóbinese óz tarıhymen mádenıetine degen kóńil qalýshylyqtan týyndaıdy. Sondyqtan tarıhı derekterdi ózektendirip, keńinen nasıhattaý asa mańyzdy. «Qazaqtyń bıler mektebi: Maıqydan Abaıǵa deıin» kitaby bul aǵartýshylyq mıssııany tolyqtaı oryndaıdy, - dep baǵa berdi.
Atalǵan eńbekte qazaq dalasyndaǵy ot aýyzdy oraq tildi baba bılerdiń, dala zańyn ustanýdaǵy utymdylyǵy, tapqyrlyǵy sýretteledi.
Tarıhymyzdy taný – Abaı ómirine tereńdep úńilýden bastalady. Bul shyǵarmanyń urpaq sanasyn oıatýǵa tıgizer paıdasy zor.
