Sýret: tolqyn.kz
Mamandardyń esebinshe, jańa jabdyq magıstraldy arnalarda sý deńgeıi tómen bolǵan kúnniń ózinde 6 myńnan astam gektar jerdi sýaryp turýǵa múmkindik beredi. Sorǵy stansalary magıstraldy jáne sharýashylyqtar aralyǵyndaǵy arnalardan ishki sharýashylyq jelilerine sý jiberýge qoldanylady.
О́ńirde 126,4 myńnan astam gektar jerge sýarmaly egin egilgen, onyń 82,4 myń gektary kúrish. Aǵymdaǵy sýarý maýsymynda josparlanǵan sý kólemi 2,5 mlrd tekshe metr quraıdy.
Oblys ákimdigi «Qazsýshar» RMK-nyń Qyzylorda fılıalymen birlese arnaıy monıtorıng tobyn jasaqtap, Syrdarııadan kelip jatqan sý kólemine sáıkes, bes magıstraldy jáne úsh sharýashylyqtar aralyǵyndaǵy arnalarǵa sý berý kestesin ázirlep, bekitti.
Qyzylorda oblysynyń agroónerkásiptik kesheni transshekaralyq sý resýrstaryna tikeleı táýeldi ekenin eskere otyryp, óńirdi turaqty túrde sýmen qamtamasyz etip, astyq ónimdiligi ári azyq-túlik qaýipsizdigin saqtaý – memlekettiń basty mindeti bolyp qalady.
